Փաստ ինֆո

Սյունիքի բոլոր համայնքապետերը քաղաքական հետապնդման ենք ենթարկվում, նոր զարգացումներ են տեղի ունենում Կապանի համայնքապետի շուրջ: Այ մասին ԱԺ-ում ելույթ ժամանակ ասաց «Հայաստան» խմբակցության պատգամավոր Աննա Գրիգորյանը:

Նա պարզաբանեց, որ Կապանի համայնքապետ Գևորգ Փարսյանը դեռևս մեկ տարի կարող է պաշտոնավարել, բայց ընտրություններից հետո Կապանի ավագանու միանգամից 6 անդամ հրաժարականի դիմում են ներկայացրել, ըստ պատգամավորի, ողջ գործընթացը գնում է նրան, որ նոր քաղաքապետի նոր ընտրություններ կազմակերպվեն:

Աննա Գրիգորյանը, դիմելով իշխանությանն, ասաց.

«Ինչո՞ւ եք ուզում ամեն կերպ չեզոքացնել Սյունիքի համայնքապետերին , սա մոլուցքի է վերածվում արդեն:

Կապանը ստրատեգիական նշանակության քաղաք է և ձեր քաղաքական ուժի կայացրած որոշումների արդյունքում՝ Կապանն այսօր ամենավտանգվածն է: Օրինակ՝ Կապան-Ճակատեն ավտոճանապարհը այսօր գտնվում է ադրբեջանցիների վերահսկողության ներքո, Կապան-Ագարակ ավտոճանապարհը՝ ևս, օդանավակայանի անմիջապես կողքին կանգնած են ադրբեջանցիները, անվտանգային նման մթնոլորտում փոխանակ մտածեք՝ ի՞նչ մեխանիզմներ ներդնեք, որպեսզի անվտանգությունն ապահովեք, մտածում եք՝ ինչպե՞ս և ումո՞վ փոխարինել համայնքապետին, սա ինչի՞ մասին է խոսում»,-ասաց նա և հավելեց.

«2018թ-ի ՏԻՄ ընտրություններում Գևորգ Փարսյանը հաղթել է ՔՊ-ի ներկայացուցչին, ինձ մոտ տպավորություն է ստեղծվում, որ մինչ օրս էլ չեք հաշտվել այդ իրականության հետ»,-ասաց Գրիգորյանը:

Աղբյուր` Փաստինֆո