Փաստ ինֆո

«Մի ամիս առաջ ավելի լավ էր խոսում, քան չորս օր առաջ խոսացածը։ Չորս րոպե խոսեց, ամենքիցս ուզում էր իմանար ոնց ենք։ Իր մասին ոչինչ չասաց»,- Բաքվում 6 տարվա ազատազրկման դատապարտված Մելս Ամբարդարյանը չորս օր առաջ է ընտանիքի հետ հեռախոսազրույց ունեցել։ Մայրը կառավարության դիմաց «Փաստինֆո»-ի հետ զրույցում նշեց, որ եկել են հերթական ակցիան իրականացնելու։ Ժամեր շարունակ հարազատները կառավարությունից պաշտոնական հանդիպում էին պահանջում։ 

«Ապշած եմ, որ հայ մայրերը երկու ժամ է նստած են քարին ու ոչ մի արձագանք չկա կառավարությունից։ Չէ որ եկել ենք նրանց դուռը, եկել ենք խնդրանքով, աղաչանքով։ Ոչ մի արձագանք։ Ուղղակի ամաչում եմ»։

Տիկին Նելլին նշեց, որ ութ ամիս է անընդմեջ գալիս են ու ի զորու անգամ հետ գնալ ու սպասել, թե իրենց երբ նորից հետ կկանչեն։

6 ամսով դատապարտված ու հայրենիք վերադարձած տղաներից հետո հույս ունեին, որ իրենց որդիները շուտով կվերադառնան, սակայն տեղեկացան, որ երեք խմբի 6-ական տարվա ազատազրկման են դատապարտել։ Շտապ լուծում են պահանջում՝ ուզում են հարցը չքնեցեն։

«Մենք հազիվ եկել ենք ու ուզում ենք, որ մեզ մարդավարի՝ հայ կնոջ նման ընդունեն ու ճիշտ պատասխան տան։ Սպասելու էլ ժամանակ չունենք։ Մեծ հույսեր էինք կապել կառավարության հետ ու վերջին երեք դատավճիռները 38 տղաների նկատմամբ՝ աբսուրդ էր։ Անտանելի էր, որը չպետք է քնեցել։ Մենք չեն կարող հաշտվել այս դատավճռի հետ»։

Կառավարության դիմաց հարազատներին տեսել ու անտեսելով անցել է Տիգրան Ավինյանը ում գրասենյակը զբաղվում էր գերեվարվածների հարցով։ Ծնողների համար վիրավորական էր, որ անտարբեր են, ու չեն հետաքրքրվել, թե ինչու են ծնողները նստել կառավարության դիմաց։

«Կարող էր մարդկային տեսանկյունից մոտենալ, հարցնել, թե ինչո՞ւ է հայ մայրը նստած։ 44 օր երեխային սպասելուց ու էդքան տառապելուց հետո հիմա էլ խայտառակ լինի, քարին է նստած։ Երեխաս էլ էնտեղ է քարին նստած՝ Բաքվի բանտում քարերին քնում է իմ երեխան։ Ամեն ինչ կանեմ, որ իմ տղային հետ բերեն։ Մեծ հավատ ունենք, բայց ոնց են վերաբերում մայրերին։ Կմնանք այնքան, մինչև համոզիչ պատասան ստանանք»։

Ծնողները նշում են՝ ալևս ուժ չունեն սպասելու, չեն կարող սպասել ևս երկու տարի՝ Եվրոպական դատարանով հայորդիներին հետ բերելու համար։

«Արդյոք մենք ողջ կմաննաք երկու տարին, երեխաները ողջ կմնա՞ն երկու տարում։ Ութ ամիս սպասել ենք մի կերպ, մեր տանը մահամերձ հիվանդներ կան, ովքեր իրենց երեխաներին են սպասում»։

Աղբյուր` Փաստինֆո