Փաստ ինֆո

ԱԺ պատգամավոր լինելուց զատ մենք տղամարդիկ ենք։ Ձեր արածը ո՛չ քաղաքական էր, ո՛չ տղամարդկային։ ԱԺ-ում այս մասին ասաց «Պատիվ ունեմ» խմբակցության քարտուղար Հայկ Մամիջանյանը՝ դիմելով իշխանական պատգամավորներին։

«Այսուհետ խորհուրդ կտամ սահմանազատել։ Քաղաքականի տեղն այստեղ է, իսկ տղամարդուն վայել հակազդեցություն տալու ձևերը գիտեք և կարծում եմ՝ գիտեք, որ երկուսին էլ հավասարապես կկարողանանք արձագանքել»,-ասաց Հայկ Մամիջանյանը։

Վերջինս նշեց, որ չի մտնելու նիստը նախագահողի լիազորությունների չարաշահման տիրույթ, պարզապես իրեն տրամաբանական կթվար, եթե դահլիճում նստած պատգամավորները նույն վրդովմունքն ապրեին, երբ նայում էին հայ ռազմագերու ելույթը Բաքվի դատարանում։

«Նույն վրդովմունքն ունենային, երբ նայում էին Գեղարքունիքի մարզից որոշ կադրեր, որոնց ավելի մանրամասն հիշատակումն ինձ համար տհաճ է։ Լավ կլիներ, որ նույն վրդովմունքն ունենայիք, երբ Ղազանչեցոցի այժմյան տեսքի կադրերն եք տեսնում, բայց այդ հարցերում գոնե ձեր հապարակային վրդովմունքը չեմ տեսնում։ Հույս ունեմ, որ ձեր քաղաքական թիմի ղեկավարի հետ գոնե փակ հանդիպումների ժամանակ այ տենց վրդովմունքով եք ասում՝ էս ինչ արեցիք։ Այդ դեպքում դեռ մի քիչ հույս կա։ Հասկացանք, որ ձեր ղեկավարի անունը հիշատակելիս խնդիրներ են առաջանում դահլիճում»,-ասաց Հայկ Մամիջանյանը։

ԱԺ նախագահ Ալեն Սիմոնյանն էլ նկատեց՝ ԱԺ-ում իրենք գործընկերներին անունով չեն դիմում և իրենց թիմի ղեկավարը ՀՀ ղեկավարն է։

«Կան տեղեր, որտեղ քաղաքական խոսքը պետք է ասվի և մնացածը կարծում եմ՝ Հայաստանում կարող է տեղ գտնել միայն սահմաններում։

Այդ տղամարդկությունը ցույց տալու տեղը սահմանում է, այլ ոչ թե փողոցում կամ այստեղ»,-հավելեց ԱԺ նախագահը։

Աղբյուր` Փաստինֆո