Փաստ ինֆո

Մենք ասում ենք ճգնաժամը խորանում է, դուք կարծում եք՝ ճգնաժամ չկա. Այս մասին խորհրդարանի ամբիոնից հայտնեց «Հայաստան» խմբակցության պատգամավոր Արմեն Ռուստամյանը։ Վերջինս նշեց, որ կան շատ հարցեր, որ իշխող ուժը և ընդդիմությունը տրամագծորեն տարբեր մոտեցումներ ունեն։ Կլինեն առաջարկություններ, որին հակառակվելը ավելի է բացահայտելու իշխող ուժի իրական նպատակները։

Դրանից մեկը Արցախի մասին հարցն է։

Ռուստամյանը կենտրոնական ամբիոնից հայտնեց, որ պետք է վերականգնել Հայաստանի՝ որպես Արցախի անկախության և անվտանգության երաշխավորի խարխլված դիրքերը, վերականգնել Արցախի հանրապետության խարխլված սուբյեկտայնությունը։

Ռուստամյանը նշեց՝ գիտի ինչ է կատարվում Արցախում, լրջագույն խնդիրներ կան։ Առաջնային է համարում վերականգնել Հայաստան-Արցախ հարաբերությունների ռազմավարական մակարդակը, ըստ Ռուստամյանի, այն զրոյացված է։ Ստեղծված նոր իրավիճակում հակամարտության կարգավորման հայկական կողմերի հայեցակարգը պետք է հստակեցվի։

«Ժամանակին ունեինք Արցախ՝ հռչակված ԼՂ, որ իր լիազորությունները տարածել էր 12,5 հազար քառ. կիլոմետրի վրա, հիմա ձեր թեթև ձեռքով 10 հազարը կորցրել ենք։ Էս վիճակով մենք ո՞նց ենք պատկերացնում Ղարաբաղի հարցի կարգավորումը։ Ինչպե՞ս անենք, որ Արցախը լինի իսկապես հայկական, ձեռք բերի անկախություն, անվտանգ լինի։ Էս հարցերը ճշտե՞լ եք, թե թողնելու եք էլի կուլիսներում որոշեն, մեկ էլ մի օր պարզվի, որ ոչ մի բան էլ չի ճշտվում՝ ինչ ուզում անում ենք, ոչ չենք թողնելու՝ ինչ ուզեք անեք։ Ժողովուրդն ասելա ինչ պիտի անեք։ Ժողովուրդը ասել է՝ ինչպես է պետգք լուծել Արցախի հարցը, դուք իրավունք չունեք դրանից շեղվեք»։

Ռուստամյանը նշեց՝ եթե վերջնականապես կորցնեն Արցախի հայանպաստ կարգավորումը՝ Հայաստանը կորելու է, աշխարչհով մեկ կորցնում ենք հաղթաթղթերը։ Աշխարհին մենք հետաքրքրել ենք Արցախի հակամարտության խնդրով, Սյունիքով, Ատոմակայանով։

Երկորորդը կորցնելու վտանգի առջև ենք։ Արցախի մասին մշտական հանձնաժողովի՝ իշխող ուժի դիրքորոշման մասին խոսելիս Ռուստամյանը նշեց.

«Չստեղծեք՝ նշանակում է դուք էդ հարցը չեք ուզում լուծեք, կամ ուզում եք լուծեք էնպես, ինչպես լուծել եք առաջին էտապում՝ կապիտուլյացիան մեր գլխին բերելով»։

Աղբյուր` Փաստինֆո