Փաստ ինֆո

Շուշին և Հադրութը վարչատարածքային օրենքով Արցախի կազմում էին, բա ինչո՞ւ հանձնվեցին: Այս մասին ԱԺ-ում ելույթի ժամանակ ասաց «Հայաստան» դաշինքի պատգամավոր Արեգնազ Մանուկյանը:

Նրա խոսքով՝ նոր խորհրդարանի ձևավորումը չի լուծել առկա խնդիրները, ավելին խորացրել է դրանք.

«Տեղի է ունեցել աննախադեպ խայտառակություն, Հայաստանը և Արցախը պարտության տարած քաղաքական ուժը շարունակում է մնալ պետության ղեկին, սա բոլորիս ամոթն է: Ամոթ է, որ ընկած թվեր հաշվեցին, թե որքա՞ն քվե է ստացել իշխանության թեկնածուն՝ խոհրդարանի խոսնակ ընտրվելու համար, արդեն իսկ նշանակված մարդկանց ընտրելը գավառական թատրոնի մակարդակի էլ չի ձգում»,-ասաց պատգամավորը:

Նա իր ելույթում նաև նշեց, որ պատերազմից 10 ամիս անց զոհվածների, գերիների, անհետ կորածների, վիրավորների իրական թվերը չեն հայտնում, իսկ իշխանության երկու ներկայացուցիչենր զոհերի խիստ տարբեր թվեր են ներկայացնում.

«Մի՞թե ձեզ մայր չի ծնել, մի՞թե դուք ծնող չեք, մի՞թե դուք միս և արյունից չեք, մի՞թե դուք այդքան չմարդ եք»,-ասաց նա և հավելեց.«պարտության կուսակցության առաջնորդը նախկինում քննադատում էր, թե մարտի դաշտում զոհվում են աղքատները, իսկ պաշտոնյաների և օլիգարխների զավակներից որևէ մեկը չի հայտնվում զոհերի կամ վիրավորների ցուցակում: 44-օրյա պետարազմում մենք տվեցինք նույնքան զոհ, որքան Արցախյան առաջին պատերազմի ժամանակ, բայց այդ հազարավոր զոհերի, գերիների, վիրավորների թվում չկար գոնե մի հոգի, որը կապված էր հեղափոխական և ժողովրդավարական հռչակված իշխանության ներկայացուցիչների հետ»,-ասաց Մանուկյանը:

Աղբյուր` Փաստինֆո