Փաստ ինֆո

ԱՄՆ-ն պլանավորում է սկսել պատժամիջոցների արշավ, որն ուղղված է այն բանին, որ Իրանին խանգարի մշակել եւ արտադրել անօդաչու թռչող սարքեր եւ կառավարվող հրթիռներ, քանի որ դրանում սպառնալիք է տեսնում իր եւ դաշնակիցների համար: Այս մասին ՏԱՍՍ-ի հաղորդմամբ ՝ հայտարարել է The Wall Street Journal թերթը:

Ինչպես նշվում է հրապարակման մեջ, արեւմտյան հատուկ ծառայությունների ներկայացուցիչները Իրանի՝ հեռահար կառավարվող սպառազինությունների ոլորտի զարգացման պլանների մեջ տեսնում են «ավելի անմիջական վտանգ Մերձավոր Արեւելքում կայունության դեմ», քան ուրանի հարստացման եւ բալիստիկ հրթիռների ստեղծման ծրագրերում: «Սա համալիր մոտեցման մի մասն է, քանի որ մենք գործ ունենք իրանական սպառնալիքի բոլոր բնագավառների հետ», - ամերիկացի բարձրաստիճան պաշտոնյայի խոսքը մեջբերում է պարբերականը:

Նաեւ նշվում է, որ անցած տարիներին ԱՄՆ-ն պատժամիջոցներ է սահմանել Իրանի հրթիռային որոշ ծրագրերի նկատմամբ, սակայն պաշտոնատար անձինք կարծում են, որ Իրանին մատակարարող բաղադրիչների, որոնք օգտագործվում են անօդաչու թռչող սարքերի եւ բարձր ճշգրտությամբ հրթիռների ստեղծման համար, վրա ուշադրությունը կենտրոնացնելը կարող է ավելի արդյունավետ միջոց դառնալ այդ գործունեությանը խանգարելու համար: Ամերիկացի բարձրաստիճան զինվորականներն ու դիվանագետները պնդում են, որ Իրանն ավելի ու ավելի հաճախ է կառավարվող հրթիռներ ու անօդաչու սարքեր օգտագործում ԱՄՆ-ի ու նրա դաշնակիցների ուժերի դեմ։

ՄԱԿ-ին առընթեր Իրանի ներկայացուցիչները Նյու Յորքում չեն պատասխանել մեկնաբանության մասին պարբերականի խնդրանքին:

Աղբյուր` Փաստինֆո