Փաստ ինֆո

Գեղարքունիքի հատվածում` Սոթքից մինչեւ Վերին Շորժա, Ադրբեջանի նախահարձակ գործողությունների մասին ՀՀ ՊՆ-ի հաղորդագրությունից հետո ֆեյսբուք սոցիալական ցանցում նորից ակտիվացել է ՀՀ ՊՆ-ի նախկին մամուլի խոսնակ Արծրուն Հովհաննիսյանը, որը 44-օրյա պատերազմի ընթացքում ստանձնել էր տեղեկատվական քաղաքականության պատասխանատվությունը ու 1,5 ամիս մոլորեցրել հասարակությանը:

Հենց նա էր վստահեցնում, որ հաղթում ենք, մինչդեռ իրավիճակը ռազմաճակատում ճիշտ հակառակն էր: 1,5 ամիս տարածեց կեղծ տեղեկատվություն`ռազմական գործողությունների  ու դրա արդյունքների մասին, իսկ Նիկոլ Փաշինյանի կողմից կապիտուլյացիայի հայտարարությունն ստորագրելուց հետո անցավ ընդհատակ: Ավելին` երբ Բաքուն պատերազմի շքահանդես էր անում` ի ցույց դնելով ռազմական գործողոթյունների ժամանակ առգրաված հայկական ռազմամթերքը` Ա. Հովհաննիսյանն Երեւանում խնջույքների էր մասնակցում:

Այսօր կրկին նա անկտիվացել է, ում  անունն ասոցացվում է կեղծ տեղեկատվության հետ ու իր ֆեյսբուքյան էյով տեղեկություններ է տարածում ռազմական գործողությունների մասին` այդպիսով կասկածի տակ դնելով ռազմական գերատեսչության հաղորդագրությունների նկատմամբ վստահությունը: Ավելին` հիմք է կասկածելու, որ նորից ինչ-որ բան ծրագրվում է իշխանությունների կողմից:

Աղբյուր` Փաստինֆո