Փաստ ինֆո

Ռուսաստանն օգտագործում է բոլոր հնարավորությունները՝ թալիբների եւ Աֆղանստանի կառավարության միջեւ ուղիղ երկխոսություն հաստատելու համար, հայտարարել է ՌԴ ԱԳ նախարար Սերգեյ Լավրովը:

«Մենք օգտագործում ենք ամենատարբեր ձեւաչափեր, ամենատարբեր հնարավորություններ, որպեսզի, այնուամենայնիվ, ուղղակի երկխոսություն ծավալենք Աֆղանստանի բոլոր քաղաքական ուժերի մասնակցությամբ, դա եւ կառավարությունն է, եւ թալիբները, բայց դրանք նաեւ առանձին քաղաքական խմբեր են, էթնիկ խմբեր՝ ուզբեկներ, խազարեցիներ, տաջիկներ։ Այդ հարցում մեզ աջակցում է կենտրոնական ասիական համայնքը, և հենց այդ ուղղությամբ ենք մենք համագործակցում ամերիկացիների և չինացիների հետ, այսպես կոչված «եռյակի» շրջանակներում, որտեղ մենք հրավիրել ենք Պակիստանին, Իրանին։ Պակիստանը սկսել է փոխգործակցություն, իրանցիները դեռ մտածում են, նրանց հարաբերությունները ԱՄՆ-ի հետ ազդում են նրանց որոշումների վրա», - ասել Է Լավրովը՝ ելույթ ունենալով «Եդինայա Ռոսիայի» հարթակում ընթացող «Ռուսաստանի արտաքին քաղաքականություն. հաջողություններ, մարտահրավերներ, խնդիրներ եւ հեռանկարներ» վեբինարի ընթացքում:

Նա նշել է, որ Մոսկվայում «ամենաարդյունավետ են համարում «մոսկովյան ձեւաչափը», որը մի քանի անգամ արդեն հավաքվել է եւ որն իրենից ներկայացնում է բոլոր Կենտրոնական Ասիայի երկրները՝ անկախ այն բանից՝ նրանք ընդհանուր սահման ունեն Աֆղանստանի հետ, թե ոչ, ինչպես նաեւ Հնդկաստանը, Չինաստանը, Պակիստանը, Իրանը, ԱՄՆ-ն եւ ՌԴ-ն»:

ՌԴ ԱԳ նախարար Սերգեյ Լավրովը հույս ունի, որ Աֆղանստանում ոչ մեկի մտքով չի անցնի փորձարկել ՀԱՊԿ պայմանագրի ամրությունը։

Աղբյուր` Փաստինֆո