Փաստ ինֆո

Վերջին օրերին կորոնավիրուսի դեպքերի աճի տեմպ է գրանցվել։ Կառավարության նիստի ժամանակ ասաց ՀՀ առողջապահության փոխնախարար Լենա Նանուշյանը։

«Մեր կանխատեսումներով աճի տեմպը մոտական օրերի ընթացքում շարունակվելու է։ Ներկա պահին 3790 մարդ բուժում է ստանում, որից 606-ը՝ հիվանդանոցային բուժում։ 282 մարդ ծանր վիճակում է գտնվում, իսկ ծայրահեղ ծանր վիճակում 48 մարդ է»,-նշեց Լենա Նանուշյանը։
Նրա խոսքով մեր տարածաշրջանում գտնվող երկրներում կորոնավիրուսային համաճարակը լարված վիճակում է գտնվում։ Այն երկրներում, որտեղ պատվաստվածների թիվը մեծ տոկոսի է հասնում, հոսպիտալացումն ու մահերը գրանցվում են հիմնականում այն մարդկանց մոտ, որոնք պատվաստված չեն։

ՀՀ վարչապետի պաշտոնակատար Նիկոլ Փաշինյանը նկատեց՝ կորոնավիրուսը դեռ երկար է մեզ ուղեկցելու, որովհետև մուտացիաներ են տեղի ունենում։

«Իրատեսական չէ սպասել, որ մի օր ուղղակի կորոնավիրուսը վերանալու է, բայց կա նաև լավ նորություն, որ մինչ այս պահը եղած տվյալներով եղած պատվաստանյութերն արդյունավետ են բոլոր շտամների համար։ Դա նշանակում է, որ մենք պետք է շատ ինտենսիվ շարունակենք պատվաստման աշխատանքները և փակ տարածքներում դիմակների կրման պրակտիկան պետք է հնարավորինս լավ մակարդակի վրա պահենք»,-նշեց Նիկոլ Փաշինյանը։

Վարչապետի պաշտոնակատարը հետաքրքրվեց, թե օրական պատվաստումների դինամիկայից, և Լենա Նանուշյանը տեղեկացրեց, որ օրական 5000 պատվաստումը հատել ենք։

«Շատ ավելի քիչ քանակով ենք իրականացնում օտարերկրացիներին»,-նշեց Լենա Նանուշյանը։

Նիկոլ Փաշինյանն էլ ասաց, որ լավ կլինի, որ ամենօրյա վիճակագրության մեջ առանձնացնենք հայաստանցիների և օտարերկրացիների թիվը։

Աղբյուր` Փաստինֆո