Փաստ ինֆո

Այն ինչ այսօր կատարվում է սահմաններին, մի մեծ պատկերի միայն փոքր հատվածն է: Այս մասին հարցազրույցի ժամանակ հայտարարել է ՀՀ երկրորդ նախագահ Ռոբերտ Քոչարյանը՝ անդրադառնալով հայ-ադրբեջանական սահմանի Երասխի հատվածում հակառակորդի ակտիվությանը.

«Երասխի դեպքերից հետո, մենք կարծես մոռացել ենք, որ կա Սև լիճ և Հայաստանի տարածքում գտնվում են բազմաթիվ ադրբեջանական զինվորներ: Սա տրամաբանական շարունակությունն է այն ամենի, ինչ կատարվում է Հայաստանի հետ պատերազմի ժամանակ և հետպատերազմյան իրավիճակում: Մենք ցույց ենք տվել, որ ատամներ և արժանապատիվ պատասխան տալու հնարավորություն, ցանկություն չունենք»,- ասաց Ռոբերտ Քոչարյանը և հավելեց.«Ադրբեջանը իր օրակարգը առաջ է տանելու նման կարգի դրսևորումներ, կզարմանայի, եթե պատերազմից հետո այս ամենը չլիներ»:

Նրա համոզմամբ՝ նման կարգի պրովոկացիաներից հետո ստեղծվում է իրավիճակ, որ նոր պատերազմի վտանգը տեսանելի է դառնում ժողովրդի համար.

«Ժողովուրդը մարսում է հերթական փաստաթղթի ստորագրումը և տարածքի զիջումը: Նման փաստաթղթի ստորագրումն ընդունվելու է ոչ թե որպես դավաճանություն, այլ՝ որպես փրկություն»,- ասաց Ռոբերտ Քոչարյանը:

Նրա խոսքով՝ նախապատրաստվում է մի համաձայնագիր, որը չի կարող լինել առանց Հայաստանի կողմից Ադրբեջանի տարածքային ամբողջականության ճանաչման, ինչը, նրա համոզմամբ, կնշանակի խաչ քաշել Արցախի ապագայի վրա:

Աղբյուր` Փաստինֆո