Փաստ ինֆո

Դեռևս չգիտենք, թե եվրոպացիներն ինչի դիմաց են տրամադրում 2.5 միլիարդ առաջիկա 5 տարում։ «Փաստինֆո»-ի եթերում այս մասին ասաց Աուդիտորների պալատի նախագահ Նաիրի Սարգսյանը։

«Ձրի փող չկա։ Ցանկացած փոխհարաբերության մեջ որևէ մեկը որևէ մեկին անհատույց բան չի տրամադրում։ Պետք է հասկանանք, թե ինչի համար են այդ գումարը տրամադրում, ինչը դեռ պարզ չէ։ Շատ կարևոր է հասկանալ գումարի ծագման աղբյուրը, որտեղից է գալիս, ով է տրամադրում և ինչի դիմաց։ Մինչև այս հարցերի պատասխանները չունենանք դրան չենք կարող անդրադառնալ»,-ասաց Նաիրի Սարգսյանը։

Հարցին՝ այդ գումարը խթանելու՞ է տնտեսությունը, Նաիրի Սարգսյանը նկատեց՝ դրամական հոսքերը բնականաբար խթանում են տնտեսությունը, բայց դա կախված է նրանից, թե որ ոլորտներում և ինչպես կօգտագործենք այդ գումարները։

«Որպես տնտեսության խթանում առաջնային նշանակության հարց է մեզ համար ենթակառուցվածքների ստեղծումը և եղածի վերազինումը, նոր թունելների, կամուրջների, ճանապարհների կառուցում։ Ինչպես տեսնում ենք մեր անվտանգությունը կասկածի տակ է դրված, հատկապես այն վայրերում, որտեղով անցնում են հանրապետական նշանակության կարևորագույն ճանապարհները»,-ասաց Նաիրի Սարգսյանը։

Մանրամասները՝ տեսանյութում

Աղբյուր` Փաստինֆո