Փաստ ինֆո

«Մեր խնդիրն այսօր մեր ձայնը բարձրացնելն է. Մենք երեք տարի է լսում ենք հակառակ կարծիքը, որը կանգնեցրեց մեզ պարտությունների առաջ». Քաջարան քաղաքի կենտրոնական շատրվանների մոտ համայնքի կանայք հավաքվել են՝ համայնքապետ Մանվել Փարամազյանին ազատ արձակելու պահանջով։ Քաջարանցիները նաև ստորագրահավաք են կազմակեպել։

«Հավատում եմ, որ դուք եք այն ուժը, որ այսօր կարող եք ձայն բարձրացնել՝ պահանջելով համայանքապետի ազատությունը։ Սյունիքի համայնքապետերը իրենց քաջի ոգով առաջինն են եղել, ովքեր սեփական կամքով մեկնել են առաջնագիծ՝ իրենց հետ վերցնելով իրենց ձեռքի տակ մեծացած զավակներին։ Մայրերը գիտեն ինչ է նշանակում զավակին առաջնագիծ ուղարկել։ Համայնքապետերը մեկնել են առաջնագիծ՝ իմանալով ուր են գնում»,- ասաց ակցիային մասնակցող կանանցից մեկը։

Կանայք պնդում են՝ երկրի սյուները՝ Սյունիքը, այսօր վիրավոր է։ Փոխարենը միասնություն լինի, կառավարությունը դիմի համայնքապետերեին՝ ամրապնդվելու, տեղի է ունենում հակառակը՝ քաղաքական հետապնդումներ, պառակտումներ։

«Պատերազմող երկրում ազատամարտիկը բանտարկվում է միայն հօգուտ թշնամու։ Մեր հրամանատարը օր առաջ պետք է ազատ արձակվի՝ գա տեր կանգնի համայնքին»,- ասաց կանանցից մեկը։

Կանայք հայտնում են, որ շատը լավ գիտեն, ինչու են համայնքապետերը բերման ենթարկվում՝ հոգեբանորեն ժողովրդի ոգին են ուզում կոտրել, որ պետք եղած պահի չկարողանան ոտքի կանգնել։

«Գլխատելով Սյունիքը, ձերբակալելով սյունյաց համայնքապետերեին՝ առաջինը կպնում են ժողովրդի անվտանգությանը»։

Աղբյուր` Փաստինֆո