Փաստ ինֆո

Հեռուստամեկնաբան, վերլուծաբան Նաիրի Հոխիկյանը հրապարակել է իր և հրեա բլոգեր Ալեքսանդր Լապշինի խոսակցությունից հատվածներ, որոնք փաստում են Հոխիկյանի օրերս կատարած հայտարարությունների արժանահավատությունը։

Նշենք, որ Նաիրի Հոխիկյանը մի փակ քննարկման ժամանակ ներկայացրել էր, թե 2019 թվականի մայիսի 11-ին ինչ խոսակցություն է տեղի ունեցել իր, Ալեքսանդր Լապշինի, Նիկոլ Փաշինյանի և նրա նախկին խոսնակ Վլադիմիր Կարապետյանի միջև։ Նաիրի Հոխիկյանի խոսքով այդ հանդիպումից հետո Լապշինն իրեն ասել է, որ շուտով պատերազմով Արցախը հանձնելու ենք Ադրբեջանին։ Լապշինն ասում է, որ այդ մասին իրեն Վլադիմիր Կարապետյանն է ասել։ Երբ բլոգերն ասել է, որ բանակը, ժողովուրդն Արցախը չի տա, Վ. Կարապետյանն ասել է. «Ժողովուրդը որ մի քանի հազար զոհ տա, կտա»։

Արձագանքելով Նաիրի Հոխիկյանի այս հայտարարությանը՝ Լապշինը հերքել էր այն՝ ասելով, թե նման խոսակցություն չի եղել եւ այսօր

Նաիրի Հոխիկյանը հրապարակել է ուշագրավ ձայնագրություններ, որոնք ոչ միայն փաստում են, որ եղել է, այլ նաեւ այն, որ Լապշինը մտավախություն ունի իր անվտանգության համար։ Նկատենք, որ հրապարակված ձանագրությունները ոչ թե կատարվել են Ն.Հոխիկյանի կողմից, այլ ձայնային հաղորդագրություններ են։

Նաիրի Հոխիկյանը նշում է, որ պատերազմից հետո՝ նոյեմբերի 11-ին Լապշինն իր հետ կապ է հաստատում, այնուհետև ներկայացնում է Լապշինի ձայնային հաղորդագրությունը.

«Նաիրի, հիշու՞մ ես, երկու տարի առաջ մենք քեզ հետ Գավառից գալիս էինք Երևան։ Այնտեղ տնտեսական ֆորումի ժամանակ ես հանդիպեցի Նիկոլի հետ։ Հիշու՞մ ես ես քեզ ասացի, որ Նիկոլն ինձ այսպիսի բան ասաց։ Ավելի ճիշտ դա Նիկոլը չասաց, ասաց Վլադիմիր Կարապետյանը, որ շատ շուտով լուրջ փոփոխություններ կլինեն, քանի որ Նիկոլը կողմնորոշվում է դեպի Ադրբեջանի և Թուրքիայի հետ մտերմության, և ղարաբաղյան հարցի լուծման։ Դրա համար նա ինձ ասաց՝ դու շատ ես «սիրում» Ադրբեջանը, նրանց մասին վատ ես գրում, բայց դու պետք է պատրաստ լինես, որ շուտով իրավիճակը փոխվելու է։ Հիշու՞մ ես, դա քեզ պատմել եմ։ Ահա, ցավոք, իրավիճակը փոխվեց, բայց դրանից ոչ մի ուրախալի բան չկա»։

Նաիրիի հարցին՝ կարո՞ղ է նա այդ պատմության մասին խոսել, Լապշինն ասում է, որ ավելի լավ է ոչ մեկի չասել այդ մասին, քանի որ նրանք (իշխանությունները) իրեն չեն ների։

Այնուհետև Լապշինը կրկին ձայնային հաղորդագրություն է ուղարկում հետևյալ բովանդակությամբ.

«Նաիրի համաձայնիր, որ ոչ ոք չի կարող ինձ մեղադրել, որ ես ոչինչ չեմ արել Հայաստանի և հայ ժողովրդի համար։ Բավարար են այն 9 ամիսները, որոնք անցկացրել եմ ադրբեջանական բանտում Արցախ այցելելու համար և քիչ մնաց՝ մեռնեի այնտեղ։ Իսկ հիմա ստացվում է՝ եթե ես անեմ այդ հայտարարությունը, 90 տոկոսով նրանք ինձ կսպանեն և դրանում կմեղադրեն Ռոբերտին։ Հասկանու՞մ ես դա տրամաբանական է։ Եվ կրկին ստացվում է, ես այդ իրավիճակում եմ հայտնվում, և ինձ ոչնչով չօգնեց ոչ հին իշխանությունը, ոչ նոր։

Նաիրի ինձ ճիշտ հասկացիր, ես կին ու փոքր երեխա ունեմ։ Ես չեմ կարող մահանալ այդ հակամարտության պատճառով։ Լուրջ»։

Այնուհետև Նաիրի Հոխիկյանը 2021թ.-ի հունիսի 14-ին կրկին Լապշինին հաղորդագրություն է ուղարկում և առաջարկում պատմել այդ խոսակցության մասին, սակայն Լապշինն ասում է, որ դա ռիսկային է, և նրանք կարող են իրենց սպանել հենց Երևանում։

«Նրանք վտանգավոր են, և Ադրբեջանի հատուկ ծառայությունն իրենց օգնում է։ Հիմա վերադարձրել են գերիների հերթական խմբին, որ աջակցեն Նիկոլին»,-գրել է Լապշինը։

Վերջինս Նաիրի Հոխիկյանին ասում է, որ եթե միայնակ լիներ, ամեն ինչ կպատմեր, սակայն չի կարող վտանգի ենթարկել իր դստեր և կնոջ կյանքը։

Մանրամասները՝ տեսանյութում

Աղբյուր` Փաստինֆո