Փաստ ինֆո

Ադրբեջանը կրակոցներ է արձակել Նախիջեւանի հետ սահմանի մոտ տեղակայված ռուսական դիրքերի ուղղությամբ: Այս մասին հայտնում են Երասխում @wargonzo նախագծի աղբյուրները։

Նախիջեւանի կողմից ադրբեջանցի զինվորականների գնդակոծությունները, որոնք, իհարկե, առաջին հերթին սադրիչ բնույթ են կրում, իրականացվել են մի քանի օրվա ընթացքում Երասխի անմիջական մերձակայքում:

Չնայած այն բանին, որ կրակել են հայկական դիրքերի վրա, ռուս զինվորականները նույնպես հայտնվել են ռիսկի գոտում։

Ըստ wargonzo-ի՝ այդ բնակավայրերի կողքին տեղակայված են միանգամից մի քանի ռուսական դիրքեր (չշփոթել Արցախում խաղաղապահների հետ)։

«Այդ օբյեկտների դիրքը ռազմական գաղտնիք չէ, դրանք այնտեղ բաց են տեղակայված, ամեն ոք, ով մեքենայով Երևանից Սյունիք է գնում, կարող է ուղիղ մայրուղուց տեսնել ռուսական դրոշները։

Ի դեպ, հենց այդ շրջանում Ադրբեջանը խոցեց ռուսական ռազմական ուղղաթիռը անցյալ տարվա նոյեմբերի 9-ին։

Հետաքրքիր է, որ այդ բոլոր միջադեպերը տեղի են ունենում Ալիեւի՝ Մոսկվա այցի նախօրեին։

Ըստ տրամաբանության՝ վատ չէր լինի Ադրբեջանի նախագահը որպես ճիշտ ժեստ՝ իր հետ բերեր նրանց, ովքեր սպանել են մեր օդաչուներին:

Չէ որ նրանք այնտեղ Բաքվում հետաքննում են այդ հանցագործությունը։ Թե՞ ոչ։ Չենք կարծում, որ այդքան դժվար է պարզել, թե ով է սեղմել ՌԶԿ-ի իջեցման մեխանիզմը և ում հրամանով։

Սակայն հրաշքին հավատալու հույս չկա։ Ընդհակառակը, Բաքուն շարունակում է թեժացնել իրավիճակը։ Վտանգի ենթարկելով ռուս մարտիկների կյանքը։

Հստակ տպավորություն կա, որ այն վեկտորը, որով շարժվում է Ալիևը (հավանաբար Էրդողանի կողմից հրահրվող), Ադրբեջան պետության համար ինչ-որ գրեթե մերձինքնաոչնչացման բնույթ է կրում։

Պուտինի համբերությունն անսահման չէ։ Կարող եք հարցնել Սահակաշվիլիին։ Վրացիները նույնպես մի անգամ շատ անփութորեն կրակել են»,- ասվում է նախագծի հաղորդագրության մեջ

Աղբյուր` Փաստինֆո