Փաստ ինֆո

Նիկոլ Փաշինյանն ղեկավարած «Քաղաքացիական պայմանագիր» կուսակցության ցուցակում պատգամավոր ընտրված օլիգարխ Խաչատուր Սուքիասյանը, որը հայտնի է որպես Գռզո, արձագանքել է իր եղբոր մասնակցությամբ զինված միջադեպին։

«Երեկ Երևանի կենտրոնում տեղի ունեցած տհաճ և անթույլատրելի միջադեպն ինձ համար անընդունելի է: Հարաբերությունների պարզման նման բարքը դատապարտելի է: Թե ինչ է տեղի ունեցել իրականում, ավելի ճիշտ կհայտնեն ՀՀ իրավապահ համակարգի ներկայացուցիչները՝ օբյեկտիվ և բազմակողմանի քննություն իրականացնելուց հետո:
Հայտարարում եմ, որ անկախ մարդու ով լինելուց, Հայաստանի հանրապետությունում բոլորն օրենքի առաջ հավասար են՝ անկախ սոցիալական և քաղաքական կարգավիճակից»,- նշել է նա:

Ինչպես արդեն տեղեկացրել ենք՝ 2021թ. հուլիսի 18-ին՝ ժամը 19:30-ի սահմաններում, Երևան քաղաքի Ամիրյան 18 հասցեում կրակոցներ են հնչել, որի ժամանակ հրազենային վնասվածք է ստացել ԱՄՆ քաղաքացի՝ ծնված 1979թ.։ Միջադեպի վերաբերյալ տարածած պաշտոնական հաղորդագրության մեջ Քննչական կոմիտեն նշել էր, թե կրակողի ինքնությունն անհայտ է, մինչդեռ մամուլը նշել էր, որ խոսքը գնում է Գռզոյի եղբոր մասին։ Ինքը՝ Խ. Սուքիասյանը եւս չի հերքել։

Փաստացի՝ քննչական կոմիտեն լինելով Հռոմի պապից ավելի կաթոլիկ, օբյեկտիվ եւ բազմակողմանի քննության փոխարեն միտված է մաքրել Գռզոյի անունը, թաքցնել նրա եղբոր մասնակցությունը միջադեպին ու հայտնվել օգտագործված թաշկինակի կարգավիճակում։

Աղբյուր` Փաստինֆո