Փաստ ինֆո

ԱՄՆ նախագահ Ջո Բայդենի խոսքերն այն մասին, որ սոցիալական ցանցերը նպաստում են կորոնավիրուսի եւ պատվաստանյութերի մասին ապատեղեկատվության տարածմանը, հակասում են փաստերին: Այս մասին համապատասխան հայտարարությունը հրապարակվել է Facebook ընկերության կայքում:

«Այն բանի ֆոնին, թե ինչպես է Ամերիկայում աճում COVID-19 հիվանդացությունը, Բայդենի վարչակազմը գերադասել է դրա համար մեղքը բարդել Facebook - ի մի քանի սոցիալական ցանցերի վրա», - նշել են Facebook-ում: Ընկերության ներկայացուցիչների խոսքով՝ համաճարակի դեմ պայքարելու համար անհրաժեշտ է ամբողջ հասարակության մասնակցությունը, եւ «այդ ջանքերի տեղեկատվական բաղադրիչը պետք է կառուցվի փաստերի, այլ ոչ թե ենթադրությունների վրա»:

«Մենք չենք շեղվի այն մեղադրանքների վրա, որոնք չեն հիմնավորվում փաստերով: Մեկ այլ փաստ էլ կա. ավելի քան 2 միլիարդ մարդ Facebook- ում ստացել է հավաստի տեղեկատվություն COVID-19- ի և պատվաստանյութերի մասին, ինչը ավելին է, քան ցանկացած այլ տեղ համացանցում»,-հայտարարել է ընկերության մամուլի քարտուղար Դենի Լևերը:
 
Նա ավելացրել է, որ ավելի քան 3,3 միլիոն ամերիկացիներ օգտվել են սոցցանցերից՝ պատվաստումների վերաբերյալ տեղեկատվություն գտնելու և ինչպես և որտեղից դրանք ստանալու մասին տեղեկատվության համար:

«Փաստերը խոսում են այն մասին, որ ֆեյսբուքն օգնում է կյանքեր փրկել: վերջակետ»,-եզրափակել է Լևերը:

Աղբյուր` Փաստինֆո