Փաստ ինֆո

Սյունիքը հանձնում է երևի, չգիտեմ՝ էլ ինչ ասեմ, նվեր է տալու իր թուրք եղբայրներին: Սյունիքն արդեն թուլացրել են, հիմա որ վաղը սահմանին միջադեպ լինի, ո՞վ է գնալու սահմանին կանգնի՝ Առուշանյանը չկա: «Փաստինֆո»-ի հետ զրույցում ասաց Սյունիքի նախկին մարզպետ, «Հայաստան» դաշինքի անդամ Վահե Հակոբյանը:

Հիշեցնենք, որ այսօր Դատախազությունը ԿԸՀ է ներկայացրել Գորիսի համայնքապետ Առուշ Առուշանյանի նկատմամբ քրեական հետապնդում հարուցելուն և ազատությունից զրկելուն համաձայնություն տալու միջնորդություններ: Նշենք, որ վերջինս նաև «Հայաստան» դաշինքի անդամ է, ավելին՝ ընտրված պատգամավոր շուտով կստանա նաև պատգամավորի մանդատ:

Վահե Հակոբյանի խոսքով՝ միջադեպից հետո Գորիսում արդեն իսկ կիսակրիմինալ էլեմենտները գլուխ են բարձրացրել.

«Երեկ Գորիսում կրակոցներ են եղել, Լիսկայի ժողովուրդը Մելոյի ժողովրդի վրա է կրակել, որքան գիտեմ, երկու վիրավոր կա, որոնցից մեկը՝ ծանր է, սա նրա հետևանք է, որ քաղաքապետին բերում են Քննչական և փորձում են տանել կալանքի»,-ասաց Հակոբյանը:

Դիտարկմանը, որ Սյունիքում նոր համայնքապետերի պաշտոնակատարներ են նշանակվում, որոնք հիմնականում մերձիշխանական շրջանակից են, Վահե Հակոբյանը նկատեց, որ սրանով փորձ է արվում մեկուսացնել հիմնական ընդդիմադիրներին և իշխանամետներին բերել Սյունիք:

Աղբյուր` Փաստինֆո