Փաստ ինֆո

«Եթե մեզ ընտրություններից առաջ հավաքեին, մեր հետ խոսեին, կասեինք հա, մենք բոլորս էլ մեր կամքով մեր ընտրությունը կատարել ենք». Որոտանցիները վստահեցնում են՝ վարչական ղեկավար Սուրեն Օհանջանյանն իրենց ընտրակաշառք չի բաժանել։ Միևնույն ժամանակ բնակիչները լուրջ սոցիալական ու անվտանգային հարցերի առաջ են կանգնել։ 

«Վաղը ձմեռ է գալու, փայտ չունենք, գազ չունենք, անտառ չունենք՝ ամեն ինչ վերցրել են։ Ես ասում եմ՝ կարաք ապրեք ստեղ, ես 33 տարի նրանց հետ ապրել եմ՝ հիմա էլ դուք ապրեք։ Զենքն էլ են հավաքել, վաղը ադրբեջանցին կգա, երեխաներ կան այստեղ։ Նրանք արնախում են։ Կաշառքից են խոսում։ Վաղը ներս կմտնեն, ոչ դարպաս կա, ոչ մի բան»։

Կանանցից մեկը պնդեց՝ գյուղապետն անձամբ է ամբողջ գիշեր գյուղը հսկում՝ անվտանգությունն ապահովում։ Օրինական զենքերն էլ Օհանջանյանը պահել է՝ ինքնապաշտպանության անհրաժեշտութան դեպքում իրենց բաժանելու համար։

«Մեր գյուղապետը էստեղ չի, ամբողջ գիշեր հսկում էր գյուղը, եթե ինքը չեկավ, մենք գյուղը լքելու ենք ու գնանք։ Սրանով թուրքերին ուրախացնում են»։

Քաղաքացիները նշում են՝ մի քանի կողմից ադրբեջանցիներով են շրջափակված, իրենք իրենց հյուր են զգում։
«Ինչու մեր քաղաքապետը մեզ օգնություն չպիտի տա, թող մի հովանավոր գա կամ դուք ապահովեք մարդկանց։ Լույսը 50 տոկոսով արեցին ու վերջ»։

Քաղաքացիները նշում են՝ 500 մետր հեռավորության վրա են ադրբեջանցիները։ Ինքնապաշտպանության համար մի քանի զենք կա միայն, որը բավարար չէ։ Նշում են՝ իրենց պաշտպանված չեն զգում։

Որդեկորույս մայրերն էլ պնդում են՝ միայն քաղաքապետն է իրենց օգնել, գյուղը սնանկ վիճակում գյուղապետին ու քաղաքապետին բերման են ենթարկել, չնայած միայն նրանք էին, որ ամեն հարցում՝ ջրի, գազի, լույսի ու անգամ խոտի հարցերով իրենց աջակցում էին։

Աղբյուր` Փաստինֆո