Փաստ ինֆո

Եթե նայենք կնոջ տեսանկյունից, ում դավաճանել է տղամարդը, ապա նրա սիրուհին…

. եսասեր է
. անբարոյական է
. հասանելի է
. հուսահատված է
. պարզապես հիմար է

Իհարկե, մի իրավիճակում, երբ քեզ դավաճանում է սիրելի տղամարդը եւ քնում է մեկ այլ կնոջ հետ, ուզում ես հավատալ, որ այդ կինը քեզնից վատն է, որ նա ոչինչ չարժե եւ ինքնին չարիքի մարմնավորում է:

Սակայն, առաջին հերթին, կարեւոր չէ, թե ով է նա եւ ինչպիսին է նա, դու գործ ունես դավաճանի հետ, ընդ որում՝ նրա հետ, ում, ինչպես մտածում ես, դու լավ գիտես եւ ում վստահում էիր։

Իսկ ինչ վերաբերում է այն՝ մեկ այլ կնոջը, ապա նրա պատճառները շատ ավելի տափակ են, եւ հնարավոր է, որ դու նույնիսկ կարեկցես նրան, եթե իմանաս դրանք:

1. Նա պարզապես ուզում է ուշադրություն, նա ուներ դրա կարիքը

Գուցե նրան պակասում էր դա իր հարաբերություններում, կամ գուցե կյանքում առհասարակ: Չէ որ յուրաքանչյուր կին ցանկանում է իրեն ցանկալի զգալ, հատկապես, եթե նա բարձր լիբիդո ունի, իսկ տղամարդ՝ ոչ։

2. Քո տղամարդն ինքն է նախաձեռնություն ցուցաբերել

Տղամարդիկ նույնպես ցանկանում են ուշադրություն եւ կիրք: Եվ ուզում են իրենց տղամարդ զգալ՝ ունակ, սեքսուալ, ցանկալի։ Եվ եթե մեկ այլ կին է տալիս նրան այդ զգացումը, ապա նա ավելի հակված է դավաճանել նրա հետ: Չբավարարված կարիքներ + իրական հնարավորություններ = դավաճանություն: Առանց տղամարդու ցանկության ու համաձայնության կինը չէր կարողանա քնել նրա հետ։ Եվ եթե չլիներ այդ կինը, ապա կլիներ մեկ ուրիշը։ Բավական է մեղադրել սիրուհուն ամեն ինչում, նայիր ձեր հարաբերություններին։

3. Ամուսնացած տղամարդն ավելի անվտանգ է, քան իրական հարաբերությունները

Ամուսնացած տղամարդը կարող է ուշադրություն տալ, կիրք, ժամանակ, փորձ, էրոտիկ եւ զգացմունքային հաճույք՝ առանց ամենօրյա կենցաղային հարաբերությունների, երեխաների դաստիարակության եւ ընտանեկան բյուջեի բաշխման:

Որոշ կանայք, ովքեր վատ հարաբերություններ են ունեցել, այլեւս լուրջ բան չեն ուզում: Նրանց բավական է ուշադրություն և կիրք ամուսնացած տղամարդու կողմից,ով հազիվ թե ցանկանա ավելին։

Նման կինը չի ուզում գողանալ ձեր տղամարդուն: Նա ցանկանում է միայն զգացմունքներ ու հաճույքներ։ Այնուամենայնիվ, երբ գործը հասնում է սեքսին, հաճախ արթնանում են նաեւ զգացմունքները, ամեն ինչ կախված է կնոջից:

4. Կինը փնտրում է արկածներ

Կան այնպիսի ցնդածներ, որոնց համար միևնույն է, ում տղամարդն է, նրանց համար կարևորը՝ ինչ-որ նոր բան, նոր վայրում, իսկ եթե նաև արգելված է՝ ավելի լավ։ Նրանց պարզապես պակասում են կյանքի վառ զգացողությունները, և նրանք փնտրում են դրանք տարբեր սեռական փորձերում։

5. Նա անում է դա, պարզապես այն պատճառով, որ կարողանում է

Պարզապես կինը չի հրաժարվում իր համար հաճելի առաջարկից։ Այո, ձեր տղամարդու հետ քնելը եսասիրություն է նրա կողմից, բայց այն, որ քո տղամարդը քնում է նրա հետ՝ նույնպես եսասիրություն է:

Աղբյուր` Փաստինֆո