Փաստ ինֆո

Մեր երկրում բացարձակ «բեսպրեդել» է տեղի ունենում,կեղծ և շինծու մեղադրանքներով փորձում են ձերբակալել «Հայաստան» դաշինքի անդամներին և մարդկանց,որոնք «Հայաստան» դաշինքի կողքին են եղել: Այս մասին դատարանի բակում լրագրողների հետ զրույցում ասաց ՀՅԴ ԳՄ ներկայացուցիչ Իշխան Սաղաթելյանը:

Վերջինիս խոսքով՝ Սյունիքի համայնքապետերի նկատմամբ ակնհայտ քաղաքական հետապնդում է իրականացվում.«Մեր երկրում դատախազը, քննիչը,ոստիկանը մեկ մարդ է՝ վարչապետի աթոռը զբաղեցնող անձը,բոլոր մեղադրանքները և որոշումները կայացնում է ինքը, իսկ իրավապահներին մնում է իրենց երևակայության արդյունքում ինչ-որ մեղադրանք հորինել և մարդկանց ձերբակալել»-ասաց Սաղաթելյանը և հավելեց, որ սա բերելու է նոր ճգնաժամի:

Նրա գնահատմամբ՝ իշխանությունը փորձում է մեկուսացնել իր հակառակորդներին.«Մենք բոլոր հնարավոր միջոցներով պայքարելու ենք այս ազգադավ իշխանության դեմ, այս պայքարի վերջնահաշվարկում իրենք չեն կարող հաղթել» ,-ասաց Իշխան Սաղաթելյանը:

Անդրադառնալով մի շարք հրամանատարների աշխատանքից ազատումներին՝ նա նշեց,որ դա կապում է Հայաստանում սպասվելիք իրադարձությունների հետ.«Իշխանությունը փորձելու է մեր ինքնությունը և ժողովրդի դիմադրողականությունը պահող ուժերին շարքից հանել:Սա ծրագիր է մեր երկրի,պետության դեմ»,-ասաց Իշխան Սաղաթելյանը:

Աղբյուր` Փաստինֆո