Փաստ ինֆո

Ֆլորիդա նահանգի Մայամի Դեյդ շրջանի Սերֆսայդ քաղաքում 12-հարկանի բնակելի շենք է փլուզվել:

Զոհվել է 90 մարդ։ 31 մարդու ճակատագիրն անհայտ է:

ԱՄՆ նախագահ Ջո Բայդենը նահանգում արտակարգ դրության ռեժիմ է հայտարարել։ Պետության ղեկավարի համապատասխան կարգադրությունը ենթադրում է Ֆլորիդայի իշխանություններին երկրի ներքին անվտանգության նախարարության եւ արտակարգ իրավիճակների դաշնային վարչության կողմից օգնություն: Մինչ այդ արտակարգ դրության ռեժիմ էր սահմանել նահանգի նահանգապետ Ռոն Դեսանտիսը։

Փլատակների մաքրման ժամանակ հայտնաբերվել են Պարագվայի առաջին տիկին Սիլվանա Լոպեսի քրոջ՝ Մորեյրա Սոֆիայի, նրա ամուսնու եւ նրանց որդու մարմինները։ Բացի այդ, բնակարանում պետք է լինեին առաջին տիկնոջ քրոջ երկու դուստրերը։ Նախարարի խոսքով՝ նրանց որոնումները շարունակվում են։ Փլուզումից հետո Սիլվան Լոպես Մորեյրան ուղևորվել է Ֆլորիդա, որպեսզի դեպքի վայրից հետևեն փրկարարական աշխատանքների ընթացքին:

Փլուզված շինության ողջ մնացած մասը քանդել են հուլիսի 4-ին, որից հետո որոնողափրկարարական աշխատանքները շարունակվել են:

Տեղի ունեցածի պատճառները դեռ հայտնի չեն, փրկարարական գործողության ավարտից հետո հետաքննություն կանցկացնեն։ Մայամի-Դեյդ շրջանի ղեկավար Դանիելա-Լիվայն Կավան նշել է, որ, ամենայն հավանականությամբ, տեղի են ունեցել շենքի կառուցվածքի «կառուցվածքային տարրերի հետ կապված խնդիրներ»:

Նահանգի իշխանությունները դեռեւս չեն ստացել վկայություններ այն մասին, որ շենքի փլուզումը տեղի է ունեցել ինչ-որ մեկի կողմից միտումնավոր:

Աղբյուր` Փաստինֆո