Փաստ ինֆո

Յուրաքանչյուր ոք ունի իր թռիչքներն ու անկումները: Որքան էլ մենք փորձենք խուսափել ցավալի փորձից, յուրաքանչյուր վատ որոշման կամ սխալի ետևում կա դաս, որը պետք է սովորել։ Եվ դա հատկապես ճշմարիտ է, երբ խոսքը վերաբերում է սիրուն եւ բաժանմանը:

Շատերը փակվում են և այլևս ոչ մեկին չեն թողնում մոտ, քանի որ ուրիշներից սպառնալիք են զգում՝ չիմանալով նրանց մտադրությունները։ Այո, սերը կարող է կոտրել սիրտը, բայց դա չի նշանակում, որ դուք պետք է բացառեք այն:

Դա վերաբերում է նաեւ նախկիններին։ Այո, կարող է ձեզ ցավ է պատճառում լսել նրա անունը, բայց ժամանակի ընթացքում դու կհասկանաս այն դասը, որ նա բերել է քո կյանք, եւ այս կամ այն իմաստով շնորհակալություն կհայտնես նրան:

Ոչ թե պետք է շնորհակալություն հայտնես նրան, որ նա գնացել է այն ժամանակ, երբ քեզ ամենից շատ էր պետք։ Այլ շնորհակալություն փորձի համար, որ նա տվել է քեզ, քանի որ դա դարձրել է քեզ ավելի ուժեղ:

Դու սկսում ես գիտակցել քո աճը որպես անձ և կին, սովորելով նախկին դասերից, նույնիսկ եթե դրանք չգիտակցված են եղել։

Երբ դու նոր ես բաժանվում, դժվար է պատկերացնել, որ այդ ցավալի փորձից կարող է ինչ-որ լավ բան դուրս գալ, բայց դա այդպես է։

Երբ ես առաջին անգամ բաժանվեցի իմ տղամարդուց, ես մտածում էի, որ իմ կյանքն ավարտվել է։

Բայց ժամանակի ընթացքում, հոգու վերքերը բուժվեցին, եւ ես հասկացա, որ երբեմն մարդիկ քեզ վնասում են ոչ միտումնավոր: Եվ դա տեղի է ունենում շատ հաճախ. ես պարզապես չեմ նկատել, քանի որ լի էի բացասական հույզերով։ .

Ես ոչ ոքի չեմ արդարացնում, բայց երբեմն ավելի հեշտ է հասկանալ մարդուն, եթե նրա տեսանկյունից նայենք իրավիճակին։

Ես նաև սովորեցի երբեք չհանդուրժել բռնությունը։ Եվ խոսքը ոչ միայն ֆիզիկական բռնության մասին է, այլեւ բռնության մասին՝ բոլոր դրսեւորումներով։ Դա նաև պասիվ- ագրեսիվ վարքն է, նվաստացումը, վերահսկելու փորձերը: Եվ չկա ոչ մի արդարացում՝ նման տղամարդու հետ մնալու համար:

Դա սարսափելի փորձառություն է՝ գիտակցել, որ մարդն օգտագործում է քեզ իր անձնական նպատակների համար, բայց դա օգնում է քեզ սովորել պաշտպանել ինքդ քեզ։ Դու իմանում ես, թե որքան ուժեղ ես դու։

Ես սկսեցի որպես առաջնահերթություն ընկալել իմ առողջությունը, առաջին հերթին՝ հոգեկան։ Ես հասկացա, որ ոչ ոք արժանի չէ իմ նյարդերին։ Եվ երբ դա տեղի ունեցավ, իմ կյանքը փոխվեց դեպի լավը: ես շատ ուրախ եմ, որ իմ կյանքը փոխվել է: Եվ ես երբեք չէի դառնա այնպիսին, ինչպիսին հիմա եմ, եթե չլիներ իմ անհաջող նախկինը։

Չէ որ նախկիններն ընդամենը հիշեցում են այն մասին, թե որքան ես դու աճել։

Ես նաեւ սովորել եմ նախկիններից՝ երբեք չանտեսել ընկերներին եւ հարազատներին միայն այն պատճառով, որ դու հանդիպել ես քո սիրուն։ Չէ որ այդ մարդիկ երբեք միտումնավոր չեն ցավեցնի քեզ, եւ միշտ ցանկանում են ձեզ լավագույնը:

Ամենավատն այն է, երբ բոլոր ուժերն ու ժամանակը ներդնում ես ռոմանտիկ հարաբերությունների մեջ եւ դառնում խղճուկ հենց այդ պատճառով:

Թույլ մի տուր, որ տղամարդը խանգարի քեզ հանդիպել ընկերների հետ, նրանք քո երջանկության կարևոր մասն են։

Միայն դու ես պատասխանատու այն բանի համար, թե ինչպես ես վերապրում բաժանումը և որքան կաճես դրանից հետո։ Յուրաքանչյուր հարաբերություններ՝ դա քո արտացոլումն է այդ պահին, և վերլուծելով դրանք՝ դու կարող ես վերլուծել ինքդ քեզ և կատարելագործվել։

Աղբյուր` Փաստինֆո