Փաստ ինֆո

«Փաստինֆո»-ի տրամադրության տակ են հայտնվել բացառիկ կադրեր՝ ինչպես էին պատերազմի ընթացքում զինվորականները, կամավորները վաղ առավոտյան պատրաստվում մարտական առաջադրանքի կատարմանը։

Տեսանյութում ազատամարտիկ Արագած Ախոյանը ներկայացնում է տղաներին, որոնք գիշերը ձորում ծառայություն էին իրականացրել։
«Լույսը բացվել է, սաղ ու սալամաթ ենք սաղս։ Ապրեք, գնացեք հանգստացեք, էսօր ձեր զավտրիկի հարցերը լուծեք»,- ասում է ազատամարտիկը։

Ախոյանը ծանոթացնում է հերոսներին՝ ֆիդայիններին, վաշտերի հրամանատարներին։ Տեսանյութի հերոսներից է ազատամարտիկ Ռազմիկը, ջոկի հրամանատար Սիմոն Հարությունյանը, կամավոր Արմանը։

«Ես էլ չկամ թղթերի մեջ գրված։ Սու 27-ի իստրեբիծել շոֆեռ եմ»,- ասում է կամավորներից մեկը։

Տեսանյութն արվել է առավոտյան ժամը 06.00-ին, երբ կամավորները սրճում են։

Տեսանյութի հերոսներից մեկն էլ «Սև հովազ» ջոկատի հրամանատարն է։ Ռուստամ Գասպարյանը՝ եղբոր Սերոբի հետ մեքենայում էր և պատրաստվում են ուղևորվել անհայտ ուղղությամբ՝ վերջինս ճանապարհ մեկնելուց առաջ ասում է.

«Դավաճանությունները ներել չի կարելի»։ Պահն անմահացրել է Արագած Ախոյանը։ Վերջինս նշում է, որ Երևան վերադառնալուն պես պետք է ամեն ինչ անեն, որ ազատվեն ներքին թուրքից։

Սև հովազը՝ Ռուստամ Գասպարյանը զոհվել է 2020 թվականի հոկտեմբերի 17-ին։ Արցախում անօդաչուն հարվածել էր Ռուստամի մեքենային: Գասպարյանի 26-ամյա որդին՝ Ռաֆայել Գասպարյանը զոհվել էր, իսկ ինքը՝ ծանր վիրավորում էր ստացել արցախա-ադրբեջանական սահմանին ընթացող մարտերի ժամանակ:

Հոկտեմբերի 16-ին Գասպարյանին վիրահատել էին Ստեփանակերտում, այնուհետև տեղափոխել Գորիսի ԲԿ, ապա՝ «Էրեբունի ԲԿ»։
Ռուստամ Գասպարյանը երկու գումարման խորհրդարանների պատգամավոր էր, Արցախյան առաջին պատերազմի մասնակից, Հայաստանի և Արցախի Արիության մեդալի շքանշանակիր:

Աղբյուր` Փաստինֆո