Փաստ ինֆո

Պուտինն անձամբ շնորհավորել է Փաշինյանին՝ Հայաստանում ընտրությունների արդյունքների կապակցությամբ:

«Ես ուրախ եմ ձեզ հետ հանդիպելու հնարավորության համար, խոսելու բոլոր այն հարցերի շուրջ, որոնք մեզ համար հետաքրքրություն են ներկայացնում, եւ, իհարկե, ուզում եմ եւս մեկ անգամ, արդեն անձամբ շնորհավորել Ձեզ ընտրությունների արդյունքների կապակցությամբ։ Ես կարծում եմ, որ դա կարեւոր է բոլորի համար, առաջին հերթին, իհարկե, Հայաստանի, հայ ժողովրդի համար», - ասել Է Պուտինը՝ Կրեմլում Փաշինյանի հետ հանդիպման ժամանակ։

Նա նշել է, որ բարդ, շատ սուր եւ զգայուն հարցերի լուծման համար պետք է արդյունավետ աշխատել, իսկ դրա համար «ամենակարեւորը ժողովրդի վստահությունն ունենալն է»:

«Իսկ դուք այն ունեք։ Դա ցույց են տվել ընտրությունների արդյունքները։ Եվ դա շատ կարեւոր է, ըստ էության, սա է ամենակարեւորը. Նման բարդ պահերին երկրի կեցության համար սա, հավանաբար, ընդհանրապես, հետագա զարգացման համար կարևորագույն պայման է: Դրա համար էլ ես ձեզ իսկապես անկեղծորեն շնորհավորում եմ», - հավելել է ՌԴ նախագահը։

Աղբյուր` Փաստինֆո