Փաստ ինֆո

Խորին ափսոսանքս եմ հայտնում, որ հայ ժողովրդի պատմության ճակատագրական պահերին ազգանպաստ գործունեությամբ փառաբանված, ազգին բազում ականավոր գործիչներ տված ՀՅԴ-ի այսօրվա լիդեր են հանդիսանում միջակությունները, ովքեր իրենց խոսք ու վարքով շարունակ իջեցնում են կուսակցության վարկանիշը, իրենց գործելակերպով այն տանում դեպի իր իսկ գաղափարական առանցքի տրամագծորեն հակառակ կողմը։ Այս մասին ֆեյսբուքյան իր էջում գրել է ԱԺ «Իմ քայլը» խմբակցության պատգամավոր Արմեն Խաչատրյանը:

«Դրանցից» մեկին, ով սպառնում է «օր ու արև չտալ» ժողովրդի կողմից ընտրված իշխանություններին, ոմանց էլ՝ «ստորացնել», մի սրտացավ խորհուրդ տամ՝ դիմի'ր մասնագետի օգնության, խեղված հոգեբանությունդ կարգի բեր, հաշտվիր ինքդ քեզ, անցյալիդ ու ներկայիդ հետ։

Մեր պետությունն այն թատերաբեմը չէ, որտեղ քո ձախողված կյանքի ողբերգությունը պիտի խաղաս ու երբևէ ապրածդ բացասական էմոցիաներն աջ ու ձախ պարպես՝ վրեժխնդիր լինելու և դրանցից ազատվելու նպատակով։ Եթե Դու ես որոշում այս ժողովրդի կամքի «օր ու արևը», հետևաբար կրկնում եմ բառերս՝ տեղս էլ գիտես, հասցես էլ, սպասում եմ քեզ, որ գաս, օր ու արևս կտրես։

Համ էլ ստելուց առաջ շունչ քաշիր, մտածիր, հիշողությունդ թարմացրու, թե՞ մոռացել ես, որ այդ նույն ԱԺ-ի մոտ ձեր երիտասարդների հետ դաստիարակչական զրույց ունենալուց հետո ո՞նց էիք բողոքում, որ ճնշել եմ երիտասարդներին։

Համ էլ այդ ամենի տեսանյութը կա, որից հանրությունն իր եզրահանգումներն է արել , թե ով ում է ստորացրել։

Բայց մի նախադասություն էլ ասեմ քեզ հասկանալի բառապաշարով՝ «Քեզ կարգի բեր, Իշխանի՛կ, չափերիդ մեջ մնա, թե չէ ականջներդ մի օր կքաշեմ»:

Նշենք, որ նախօրեին ՀՅԴ ԳՄ ներկայացուցիչ Իշխան Սաղաթելյանը ասուլիսի ժամանակ անդրադառնալով Արմեն Խաչատրյանին ասել էր.

«Կարծեմ մի օր հենց դրան Ազգային ժողովի մուտքի մոտ մեր տղերքը ստորացրին, ու ու եթե հիմա էլ պետք լինի, նա առաջիկայում նորից առիթ կունենա»,-գրել է Արմեն Խաչատրյանը։

Աղբյուր` Փաստինֆո