Փաստ ինֆո

Ամեն խոհարարուհի կարող է պետություն կառավարել՝ լենինյան պոպուլիզմին տվեց անցավ նիկոլյան պոպուլիզմը, քանի որ եթե Իլյիչն ասում էր՝ «կարող է»՝ խոսելով հնարավորի մասին, ապա նիկոլը սույն միտքը արդեն որպես առկայություն և իրողություն է ներկայացնում՝ «կա, գոյություն ունի»՝ այդպիսով գերադրական աստիճանով հաճոյանալով իրեն օվացիաներով դիմավորող հատվածին։ Բնականաբար, բոլորդ եք հիշում, որ նա ասում էր՝ «Հայաստանում կա՛ 3 միլիոն վարչապետ»։ Այսինքն, կասկած չկա, որ կա։

Իր սիրելի բռնակալներին կապկելով՝ դասակարգային պայքարի դաշտի է վերածել պետությունը՝ իբր, թավիշը պողպատյա դիմակի փոխակերպելով․․․

Իրականում՝ Ինչպես Լենինը, այնպես էլ՝ նրա երկրպագուն սխալվում են՝ ամեն խոհարարուհի կամ՝ խոհարար չի կարող երկիր ղեկավարել։

Թերևս, իրավունք ունեք և կասեք՝ «բա՞ ոնց 54 տոկոս ձայն ստացավ, ուրեմն, կարող է»։ Ստով, կեղծիքով, ներքին թշնամանքի դոզան ավելացնելով։ Վերջինիս պահանջարկը, ցավոք, կա։ Դրանք են իր հիմնական էլեկտորատը։

Նայեք ձեր շուրջը՝ ի՞նչ է կատարվում։ Այն, ինչ տեղի է ունենում երկրի ներսում, բացարձակ իմիտացիա է՝ չպատճառաբանված փոխատեղություններ՝ Անհասկանալի մի նախարար կար, նրան հանել նշանակել էր խորհրդական, հիմա էլ՝ աշխատակազմի ղեկավար, առողջապահության նախարարին, որին աշխատակազմի ղեկավար էր դարձրել, հիմա արդեն՝ ուղարկում է խորհրդարան․․․

Նույն վիճակն է ուժայիններում` անիմաստ ու անհասկանալի՝ մեկ անձի քմահաճույքներով պայմանավորված փոխատեղություններ, որոնց պատճառն էլ, հետևանքն էլ միայն «каждая кухарка»-ի մոտիվով առաջնորդվողն է, որն, ի դեպ, ոչինչ չի պատճառաբանում, ուղղակի ցույց է տալիս, որ ում` որտեղ ուզում -տանում է, որ տանողն էլ, բերողն էլ ինքն է։

Ատելությունը, քենն ու մանր վրեժխնդրությունն է առաջնորդում սույնին, աներկբա է։ Ազգը սև ու սպիտակի, ժողովուրդ և էլիտայի բաժանելով՝ փոխադարձ անհանդուրժողականություն և ատելություն սերմանելով մինչև ու՞ր․․․

Երևի իր համոզմամբ՝ այդ է իշխանություն ունենալը։ Հայտնի և հարգարժան բժշկին՝ բանտ դնելը, ի հեճուկս՝ հաղթանակ կերտած այրերի՝խլեզներին ասպարեզ բերելը։ Երևի հրճվում է, երբ զուգորդումներ են տարվում իր՝ ու Լենին-Ստալինի, Պոլ Պոտի և երիտթուրք ցեղասպանների հետ․․․

Մտածում է՝ պատմության մեջ կմնա։ Անշուշտ, կմնա, անեծքով՝ սակայն․․․

Հեղինակ՝ Ա․Ե․

Աղբյուր` Փաստինֆո