Փաստ ինֆո

Որքան հաճախ եք լսել «Երբեք մի ասա երբեք» կամ «մի երդվիր որևէ բան չանել» արտահայտությունը։ Ես նույնպես մտածում էի, որ կան բաներ, որոնք ես հաստատ երբեք չեմ անի։ Ես կարծում էի, որ երբեք չեմ ծխի, երբեք թույլ չեմ տա, որ տղամարդը ինձ օգտագործի, բայց այդ ամենը եղել է։

Եվ նաև «Ես երբեք չեմ կարող ներել դավաճանությունը»: Ես կարծում էի, որ այն կանայք, ովքեր մնում են դավաճանների հետ, պարզապես թույլ են։ Այո, մարդիկ նրանց մի կողմից գովում են, որովհետև նրանք պահում են ընտանիքը, մյուս կողմից էլ ամոթանք են տալիս։ Եւ ամոթանք տվողներն ավելի շատ են:

Բայց ինչու են իրականում կանայք այդպես անում։

Այդ կանայք վախենում են միայնակ մնալ

Իսկ ո՞վ չի վախենում։ Ես էլ եմ վախենում։ Վախենում եմ ամեն ինչ նորից սկսելուց, կրկին վստահելուց, նոր հանդիպումներից։ Մենք բնազդաբար ձգտում ենք պահպանել մեր հարաբերությունները, դա ինքնապահպանման բնազդն է։ Եվ երբ մեր հարաբերությունները վտանգված են, մենք ցավ ենք զգում, եւ մեր ուղեղը դա ընկալում է որպես սպառնալիք մեր գոյատեւման համար:

Ներդնելով հարաբերությունների մեջ տարիները, ջանքերը, ստեղծելով բազմաթիվ հիշողություններ, դրանցից հեռանալը շատ դժվար է և խիզախություն է պահանջում։ Իսկ կենսաբանորեն մենք ավելի հակված ենք մնալ հարաբերություններում։

Կանայք, ովքեր մնում են դավաճանների հետ, հնարավոր է, պարզապես ուրիշ տեղ չունեն գնալու

Գնալ պետք է այնտեղ, որտեղ ավելի լավ է։ Իսկ եթե ամուսնալուծությունից հետո կինը հայտնվում է վատագույն տնտեսական վիճակում, եւ նաև հավանաբար երեխաների հետ: Իսկ հասարակության նահապետական համակարգն ամեն ինչ անում է, որպեսզի կինը կախված լինի տղամարդուց, հատկապես՝ առանձին երկրներում։

Ըստ վիճակագրության՝ միևնույն աշխատանքի համար կանայք ավելի քիչ են գումար ստանում, քան տղամարդիկ, իսկ կարիքները նույնն են՝ կերակրել երեխաներին, վճարել դպրոցական ֆոնդերը, բնակարանի համար, և եթե տղամարդը դավաճանում է, բայց ապահովում է մնացած ամեն ինչն, ապա ավելի հեշտ է պարզապես փակել աչքերը։

Ամեն ինչ շատ ավելի բարդ է, քան թվում է, մի շտապեք դատապարտել կանանց, ովքեր մնում են դավաճանների հետ:

Կանայք նաև կարող են արդարացումներ ունենալ տղամարդկանց արարքների համար

Գուցե դա հնացած է կամ խենթություն, բայց շատ կանայք չեն համարում դավաճանությունը ամուսնալուծության պատճառ, շատերը դա ընկալում են որպես բնական ի բան տղամարդկանց համար:

Իսկ գուցե՞ այդ կանայք պարզապես սիրում են

Չէ որ սերը ծածկում է բազմաթիվ մեղքեր: Այդպես Հիլարի Քլինթոնը որպես բացատրություն՝ ամուսնուն դավաճանության համար ներելու, բերել է սերը: Այդպես Բեյոնսեն ներեց Ջեյ Զիին՝ երգելով «Սերն ավելի խորն է ցավից, և ես հավատում եմ, որ դու կարող ես փոխվել»։

Բանն այն է, որ սերն ու հարաբերությունները բարդ են։ Եվ դու երբեք չգիտես, թե ինչպես կվարվես, մինչև որ դա տեղի չունենա անձամբ քեզ հետ։

Աղբյուր` Փաստինֆո