Փաստ ինֆո

Ցանկացած զորավարժություն պետք է ընկալել որպես պատերազմի փուլ: Այս մասին «Փաստինֆո»-ի հետ զրույցում ասաց քաղաքագետ Սերգեյ Շաքարյանցը՝ մեկնաբանելով Թուրքիայի, Ադրբեջանի ու Պակիստանի հատուկ նշանակության զորքերի համատեղ զորավարժությունների անցկացումը:

Նրա դիտարկմամբ՝ ցանկացած զորավարժություն, որին մասնակցում է Թուրքիան, պետք է ընկալել որպես պատերազմի նախապատրաստություն Հայաստանի դեմ և կարևոր չէ, թե քանի երկիր է մասնակցում այդ զորավարժություններին:

«Այդ պատերազմը ուղղված է լինելու Հայաստանի դեմ: Պետք չէ հավատալ այն խորամանկ դիվանագիտական հայտարարություններին, որոնք հնչում են մեր հարևան պետությունների կողմից: Փաստը մնում է փաստ, զորավարժությունները նշանակում են նախապատրաստություն պատերազմին: Սպառնալիքը բացահայտ է և շատ լուրջ», - ասաց նա:
Նրա արձանագրմամբ՝ մեզ մեծ պատերազմ պետք չէ, մեր խնդիրն է զինել սահմանամերձ մարզերի բնակիչներին և հզորացնել մեր զինված ուժերը, այլ խնդիր մեր առաջ այս պահին դրված չէ:

Անդրադառնալով Ադրբեջանի նախագահ Իլհամ Ալիևի երեկվա հայտարարությանն առ այն, որ Բաքուն ցանկանում է խաղաղություն հաստատել Երևանի հետ, սակայն չի տեսնում նման ցանկություն Հայաստանի կողմից:

«Դա բացահայտ սուտ է, որը միտված է թուլացնելու մեր զգոնությունը: Պետք չէ հավատալ Ադրբեջանի կամ Թուրքիայի ղեկավարության կողմից հնչող հայտարարություններին: Նրանք, ովքեր հավատում են թուրքին նույնպես դառնում են թուրք: Պետք է մեկընդմիշտ հասկանալ, որ թուրքը մեր թշնամին է և միշտ կանի հնարավոր ամեն ինչ, որպեսզի ոչնչացնի Հայաստանը: Մենք տեսել ենք, որ Արցախում պատերազմը ղեկավարվել է Թուրքիայի կողմից: Եթե Հայաստանում ապրող մարդը հավատում է թուրքի խոսքին, ուրեմն նա ապուշ է»,- եզրափակել է Շաքարյանցը:

 Հեղինակ՝ Անի Մշեցյան

Աղբյուր` Փաստինֆո