Փաստ ինֆո

Շիրակի մարզում իշխանափոխությունից հետո երեք մարզպետ է նշանակվել, երեքն էլ չեն շփվել համայնքի ղեկավարների հետ։ Գրեթե այցելություններ չեն եղել, կարծես՝ մենք անտեսված ենք եղել. սպասել են մինչև մեր լիազորություններն ավարտվի, մեզնից ազատվել: Այս մասին «Հայաստան» դաշինքի մամուլի սրահում ասուլիսի ժամանակ հայտարարել է Շիրակի մարզի Ազատան համայնքի ղեկավար Վարդան Իկիլիկյանը։

Նա հայտարարեց, որ ընտրությունների ժամանակ 72 ժամ են տվել մեր համայնքապետերին, ասել, թե պետք է հրաժարական տանք, որ ժողովուրդն է դա պահանջում

«Վերջին ընտրություններում, ճիշտ է, մեզ չեն ասել դիմում գրեք, ի տարբերություն մյուս մարզերի, բայց կա մի խումբ, որ 72 ժամ են տվել մեր համայնքապետերին։ Ասել են, թե պետք է հրաժարական տանք, որ ժողովուրդն է դա պահանջում։ Ցավոք, մեր հանրապետությունում տեսնում ենք 1937 թվականի նման ինչ-որ մոտեցումներ, կարելի է տեսնել մեծ վաստակ ուենցող համայնքի ղեկավարի նկատմամբ ֆիզիկական ուժ են գործադրում։ Դա վիրավորական է, և ես դատապարտում եմ այդ քայլը»,- ասաց նա և ավելացրեց.

«Մենք պատրաստ ենք ժողովրդի հետ խոսել, կիսվել : Ներկայացնում են, որ առաջիկայում ՏԻՄ ընտրություններ են, ավելի լավ կլինի` դուք դիմում գրեք, հրաժարվեք, որ հետագայում ավելի խորը հետապնդումներ չլինեն, ստուգումներ չլինեն, բայց ինքս որպես համայնքապետ չեմ փորձում ընդառաջ գնալ նրանց խնդրանք կլինի,հորդոր կլինի, թե ստիպողական ինչ-որ բան կլինի, որովհետեւ հետպատերազմյան ժամանակաշրջանում ունենք մեր համայնքներում զոհեր, ունենք գերեվարվածներ,որոնց նկատմամբ մենք պարտավորություններ ունենք»:

Աղբյուր` Փաստինֆո