Փաստ ինֆո

Մարդիկ, Նիկոլ Փաշինյանին մեղադրելով, նրանից դժգոհ լինելով անգամ, գնացին և ընտրեցին, որ նախկինները հետ չգան, որ հեղափոխությունը ռեվերս չլինի:Այս մասին ասուլիսի ժամանակ հայտարարեց «Լուսավոր Հայաստան» կուսակցության ղեկավար Էդմոն Մարուքյանը և նշեց, որ եթե սա լիներ պատգամավորական ընտրություններ, ապա պատկերն այլ կլիներ:

Մարուքյանը նաև վստահեցրեց, որ մինչև ընտրությունների վերջին երեք օրն իրենք ունեցել են անցողիկ տոկոսներ, իսկ պատկերը փոխվել է երկու օրվա մեջ՝ վախերի ազդեցության տակ.

«Մեր Եղեգնաձերի գրասենյակ են գալիս մարդիկ և ասում՝ կներեք, մենք որոշել էինք ձեզ ընտրել, բայց ցույցը, որ տեսանք, մտածեցինք նախկինները հետ են գալիս և որոշեցինք այդ մի ձայնն էլ իշխանությանը տալ, որ դա տեղի չունենա»,-ասաց ԼՀԿ ղեկավարը:

Մարուքյանը նշեց, որ ինքը սա վաղուց էր կանխատեսել և այդ պատճառով էլ զգուշացրել էր նախկին նախագահներին, որ չմասնակցեն ընտրություններին, որպեսզի Նիկոլ Փաշինյանը չվերարտադրվի:

Նա նաև պատմեց, որ «Հայաստան» դաշինքի հանրահավաքից հետո, զանգահարել է Դավիթ Խաժակյանին և ասել, որ ՔՊ-ն ու «Հայաստան»-ը վերցնելու են ձայների 75 տոկոսը, մնացած ձայները փոշիանալու են.

«Մարդիկ ուղղակի գնացին հանրաքվեի, սա հանրաքվե էր և եղավ այն, ինչ եղավ: Զարգացումները եկան հասան նրան, որ մարդկանց մեջ վախ մտավ, որ նախկին իշխանությունները գալիս են»,-ասաց Էդմոն Մարուքյանը:

Աղբյուր` Փաստինֆո