Փաստ ինֆո

ԿԸՀ-ն հրապարակել է ՀՀ ԱԺ արտահերթ ընտրություններին մասնակցած կուսակցությունների, կուսակցությունների դաշինքների նախընտրական հիմնադրամների ֆինանսական մուտքերի և ելքերի վերաբերյալ տեղեկատվությունը։ Դրանք կազմվել են ԿԲ-ի կողմից տրամադրված տվյալների համաձայն։

Հունիսի 19-ի դրությամբ՝ Նիկոլ Փաշինյանի գլխավորած «Քաղաքացիական պայմանագիր» կուսակցությունը ծախսել է 474. 924. 880 դրամ։ Հավելենք, որ ՔՊ-ն ներկայացրել էր մոտ 476.834.936 դրամի մուտք։
Խորհրդանական ընտրություների արդյունքներով «Քաղաքացիական պայմանագիր» կուսակցություն ստացել է ձայների 53.92%-ը։

Ընտրություններում երկրորդ՝ ամենաշատ քվեներ հավաքած «Հայաստան» դաշինքը կատարել է 330. 856. 650 դրամի ելք։

Խորհրդարանանական ընտրություններում 5.23 % ստացած «Պատիվ ունեմ» դաշինքը ծախսել է 271. 757.269 դրամ։

Նախորդ խորհրդարանի ընդդիմադիր ԼՀԿ-ն նախընտրական շրջանում ծախսել է 88. 025. 136 դրամ։ Խորհրդարան չանցած «Բարգավաճ Հայաստանը» այս խորհրդարան անցնելու քարոզարշավի համար ծախսել է ԼՀԿ-ից մի փոքր ավելի՝ 88. 679. 359 դրամ։

Հայաստանի դեմոկրատական կուսակցությունը՝ առաջնորդող Տիգրան Արզաքանցյանի գլխավորությամբ ծախսել է 30.478.761 դրամ, հավաքել 0.39 տոկոս քվե։

Այս խորհրդարանական ընտրություններում ամենաքիչ ծախսերն է մուտքագրել ու «Վերելք» կուսակցությունը՝ 91.000 դրամ, հավաքել քվեների 0.09 տոկոսը։

Աղբյուր` Փաստինֆո