Փաստ ինֆո

Հայաստանի Հանրապետությունը կմտնի պատմության մեջ՝ կալանավորելով անվանի բժշկին: Այս մասին լրագրողների հետ զրույցում ասաց պրոֆեսոր Արմեն Չարչյանի փաստաբան Արամ Վարդևանյանը:

«Հայաստանի Հանրապետությունը կմտնի երևի պատմության մեջ, որ, ունենալով նման անվանի բժիշկ, որով կարելի է հպարտանալ թե՛ որպես հասարակություն, թե՛ պարզապես նման մասնագետ ունենալու համար, ՀՀ պարզապես իշխանությունների պատվերով նման մարդիկ կալանավորվում են»,-նշեց Վարդևանյանը:

Հիշեցնենք, որ Երեւանի ընդհանուր իրավասության դատարանը՝ դատավոր Արմինե Մելիքսեթյանի նախագահությամբ, մասնակի բավարարել է ՀՔԾ քննիչի միջնորդությունը ու մեկ ամսով կալանավորելու Արմեն Չարչյանին կալանավորելու որոշում կայացրել։

Ա. Վարդեւանյանը աբսուրդ է որակել դատարանի որոշումը՝ արձանագրելով, որ պատահական չէ, որ վերջին ամիսներին աբսուրդների հեղինակ լինում է դատավոր Մելիքսեթյանը, որը դատավորի կարգավիճակի հետ որեւէ առնչություն չունի։

«Բոլոր դեպքերում լիքը մարդկանց դատավոր Մելիքսեթյանը զրկել է Չարչյանից առողջական օգնություն ստանալու իրավունքից, հնարավորությունից»,- հայտարարել է Ա.Վարդեւանյանն ու նշել, որ երկու օրվա ընթացքում վերաքննիչ բողոք կներկայացնեն։

Նշենք, որ դատարանի բակում հավաքվել էին նաեւ «Իզմիրլյան» ԲԿ-ի մեծ թվով բիշկներ, որոնք հայտարարեցին, որ վաղվանից որեւէ հիվանդի չեն սպասարկելու։ «Տականք եք ոտքից գլուխ», «թքեմ երեսներիդ»,- ասում էին բժիշկները՝ խոսքն ուղղելով իշխանություններին ու նրանց ապօրինի հրահանգը կատարող դատաիրավական համակարգին։

Աղբյուր` Փաստինֆո