Փաստ ինֆո

Առաջադրված է մեղադրանք, որն ինձ համար բացարձակ անհասկանալի է. Երևանի ընդհանուր իրավասության դատարանի բակում հայտնեց «Իզմիրլյան» ԲԿ տնօրեն, «Հայաստան» դաշինքի պատգամավորի թեկնածու Արմեն Չարչյանը։

Վերջինս հավելեց, որ առաջադրված մեղադրանքը իր համար բացարձակ անհասկանալի է, որևէ հանցակազմ չի պարունակում այդ մեղադրանքի մեջ։

«Իմ խորին համոզմամբ այդ մեղադրանքը կրում է խիստ քաղաքական բնույթ և քաղաքական տեռոր»։
Չարչյանը նշեց, որ հավատում է արդարադատությանը ու համոզված է, որ դատարանը ճիշտ որոշում կկայացնի, երկրորդ բաղադրիչն էլ այն է, որ ունի լավագույն պաշտպանները։ Նախաքննական մարնի հիմնավորմանը, որ կարող է վերջինս խոչընդոտել քննությանը, Չարչյանը որակեց խայտառակություն.

«Բացարձակ դատարկություն է, խայտառակություն է, որ ես կարող եմ խուսափել։ Ինձ ճանաչողները գիտեն, որ երբեք չեմ խուսափել որևէ բարդությունից, երբեք որևէ դժվարության առաջ չեմ ընկրկել և միշտ եղել եմ առաջադիր ավանգարդ արդարության, բժշկության և այլ հարցերում»,- ասաց Չարչյանը։

Անդրադառնալով համացանցում տարածված՝ իր մասնակցությամբ ձայնագրությանը, որում իր խոսքը նախաքննական մարմինը որակել է «հարկադրել և պարտադրել», Չարչյանը նշեց, որ հորդորել է բժիշկներին մասնակցել ընտրություններին։

«Դա իմ քաղաքացիական դիրքրոշումն է, որևէ պարտադրանք կամ հարկադրանք իմ արած գործողությունների մեջ չկա։ Ես կարող եմ խնդրել, դա պարտադրանք չէ, կարող եմ հորդորել և կարող եմ պահանջել և դուք իմ պահանջը չկատարեք դա նույնպես պարտադրանք չէ, իմ ասածի մեջ երբեք պարտադրանք չկա»։

Փաստաբան Արամ Վարդևանյանը պարզաբանեց, որ Չարչյանը մինչև օրս գտնվում է արձակուրդում։

«Մի իրավական կարգավիճակ է, որ մարդը գտնվում է արձակուրդում, մեկ այլ կարգավիճակ է՝ երբ գտնվում է արձակուրդում, որը էական նշանակություն։ Ավելին՝ պրոֆեսորը մինչև ամսի 24-ն է գտնվելու արձակուրդում»։
Չարչյանը հավելեց՝ հունիսի 24-ից հետո ևս 17 օր իրավունք ունի լինելու արձակուրդում, նամակ է հղելու վեհափառ հայրապետին, որպեսզի թույլ տա այդ 17 աշխատանքային օերերը օգտագործելու։

Հիշեցնենք, որ Երևանի ընդհանուր իրավասության դատարանում՝ դատավոր Արմինե Մելիքսեթյանի նախագահությամբ, մեկնարկել է «Իզմիրլյան» ԲԿ տնօրեն, «Հայաստան» դաշինքի պատգամավորի թեկնածու Արմեն Չարչյանի նկատմամբ կալանավորումը որպես խափանման միջոց ընտրելու մասին ՀՔԾ քննիչի միջնորդության քննությունը։

Աղբյուր` Փաստինֆո