Փաստ ինֆո

Քվեարկության արդյունքներն անսպասելի էին մեզ համար, նաեւ շատ-շատերի համար,- քիչ առաջ հայտարարել է ՀՀ երկրորդ նախագահ Ռոբերտ Քոչարյանը՝ նշելով, որ պետք է փորձեն գտնել բացատրություն։

Նրա դիտարկմամբ՝ եղել են զանգվածային խախտումներ, արձանագրվել է վարչական ռեսուրսի զանգվածային կիրառում եւ քվեարկության արդյունքները կվիճարկեն ՀՀ Սահմանադրական դատարանում։

«Տարբեր սոցիոլոգիական հարցումները ցույց էին տալիս այլ պատկեր:Ենթադրում ենք, որ, այնուամենայնիվ, եղել են զանգվածային խախտումներ: Մենք ակնհայտ տեսել ենք վարչական ռեսուրսի կիրառում, այդ պատճառով  կդիմենք ՍԴ՝ ընտրության արդյունքները քննարկելու համար» ասաց նա՝ նշելով, որ  իրենց դաշինքի շտաբների կողմից հավաքագրվել են բոլոր ընտրախախտումների վերաբերյալ նյութերը։

«Այն մանդատը , որը ստացել է այս իշխանությունը, իրենց նկատմամբ վստահության մանդատ չէ: Մեր բոլոր հանդիպումները եղել են ավելի մարդաշատ և հզոր էներգետիկայով, քան իշխանության հավաքները»,-ասաց Քոչարյանը:
Նա նկատեց, որ ընտրության արդյունքների վրա ազդել է նաև նախկին իշխանությունների վերադարձի գործոն, քանի որ երեք նախկին նախագահներն ակտիվ մասնակցում էին ընտրություններին.

«Մենք չկարողացանք կոտրել այդ հանգամանքը, քանի որ քարոզարշավը կարճ էր և հատկապես գյուղերում քիչ հանդիպումներ են ք ունեցել: Եթե նկատել եք, իշխանությունը մեծ արդյունքներ է գրանցել գյուղական վայրերում, մեկ կամ երկու շաբաթ ավելի երկար քարոզարշավ ունենալու պարագայում մենք կկարողանայինք փոխել այդ պատկերացումը»,-ասաց Ռոբերտ Քոչարյանը:

Աղբյուր` Փաստինֆո