Փաստ ինֆո

Մանիպուլյատորները միշտ գիտեն, թե ինչ է ասել՝ քեզ վրա վերահսկողություն ունենալու համար։ Նրանց խոսքերը պարզ են, բայց շատ ուժեղ։ Նրանք գիտեն, թե ինչպես պետք է ընտրել ճիշտ ժամանակը եւ ասել այն, ինչ կազդի քեզ վրա:

Պետք է շատ ժամանակ եւ ջանք, որպեսզի բացահայտես մանիպուլյատորին եւ նրա իրական մտադրությունները։ Սովորաբար նկատում ես դա, երբ արդեն ամբողջովին խրվել ես այդ թունավոր հարաբերությունների մեջ։ Բայց ահա այն արտահայտությունները, որոնք պետք է զգուշացնեն քեզ եւ կօգնեն որքան հնարավոր է շուտ հասկանալ, թե ինչ է նա ուզում:

1. «Դու սխալ ես (հիստերիկ կին) ամեն ինչից ողբերգություն ես սարքում»:

Մանիպուլյատորը ցանկանում է ստիպել քեզ մտածել, որ դու սխալ ես, նույնիսկ եթե դա այդպես չէ։ Նա ցանկանում է ցույց տալ, որ դու հորինել ես ամեն ինչ։ Նա կասկածի տակ է դնում քո առողջ դատողությունը։

 2. «Ես հասկանում եմ, բայց ուզում եմ ցույց տալ քեզ, թե ինչպես ավելի լավ կլինի մեզ համար»:

Սկզբում նա համաձայնվում է քեզ հետ և ձևացնում, թե հասկանում է քո զգացմունքները։ Եւ նրա կարեկցանքը տալիս է նրան իշխանություն քեզ վրա: Այնուհետեւ նա ասում է, որ ցանկանում է ցույց տալ, թե ինչպես «ավելի լավ կլինի ձեզ համար»: Այսինքն՝ նա տպավորություն է ստեղծում, թեե իսկապես մտածում է քո և ձեր մասին:

Բայց նա պարզապես մանիպուլյացնում է քեզ, որպեսզի անի այնպես, ինչպես նա է ուզում : Եվ քանի որ դու հավատում ես այն բանին, որ նա մտածում ձեր մասին, ապա հետևում ես նրան:

3. «Ես երբեք քեզ ցավ չէի պատճառի»:

Մանիպուլյատորը երբեք չի պատմի իր իրական ծրագրերը, քանի որ դու կհեռանաս նրանից: Փոխարենը, նա հավակնում է լինել լավ տղա, ով երբեք քեզ ցավ չի պատճառի: Եվ նույնիսկ այն ժամանակ, երբ դու մեղադրում ես նրան ինչ-որ բանի համար, նա իրենցից զոհ կամ սուրբ է սարքում:

«Ինչպես կարող ես նման բան մտածել իմ մասին։ Ես երբե՛ այդպես չէի անի»

Մինչդեռ, նա շարունակում է հոգեպես վնասել ձեզ. Դա չի թողնում ֆիզիկական սպիներ, ուստի սկզբում աննկատ է լինում: Իսկ երբ դու հասկանում ես, թե ինչ է կատարվում, այն հերքում է։

4. «Չէ որ ես ներողություն խնդրեցի, չեմ հասկանում, թե ինչու ես դեռ բարկանում»:

Մանիպուլյատորը գիտի, թե ինչպես խաղալ քեզ հետ: Նա գիտի, թե ինչ պետք է ասել, եւ թե ինչպես ստիպել քեզ ներել նրան:

Նրանք նաև ներողություն խնդրելու վարպետ են։ Ամեն անգամ, երբ նա անցնում է սահմանը, եւ դու զայրանում ես նրա վրա, նա գիտի, թե ինչպես վերադարձնել քո վստահությունը։

«Ես արդեն ներողություն եմ խնդրել, չեմ հասկանում, թե որն է խնդիրը», - և ահա արդեն դու զգում ես, որ կարծես թե չափազանցնում ես։

Իրականում, նա նույնիսկ չի էլ ափսոսում, նա պարզապես ցանկանում է վերադարձնել վերահսկողությունը քո նկատմամբ։ Այո, նա կարող է մի քանի օր փոխվել, որպեսզի դու հավատաս նրա ներողությանը, բայց փաստն այն է, որ նա անկեղծորեն չի անում դա։

Աղբյուր` Փաստինֆո