Փաստ ինֆո

Արմեն Չարչյանը, փրկել է հազարավոր կյանքեր, անգամ նույն քննչական ծառայության ներկայացուցչի: Այս մասին լրագրողների հետ զրույցում ասաց «Իզմիրլյան» ԲԿ-ի տնօրեն, «Հայաստան» դաշինքի անդամ, Արմեն Չարչյանի փաստաբան Արամ Վարդևանյանը:

Նա նշեց, որ Չարչյանը երեք պատերազմների մասնակից է: Եվ այժմ Չարչյանը ինքը ունի առողջական խնդիրներ:

«Ի՞նչ աստիճանի բարոյական ճգնաժամի մեջ պետք է լինի մարդը, որ գրի, իբր Արմեն Չարչյանը ուզում է փախչել: Ու՞մից նա պետք է փախչի: Այն ՀՔԾ-ից, որոնց նա բուժում է: Քննիչը շատ լավ գիտակցելով, որ պրոֆեսորը ունի առողջական խնդիրներ, այսօր չներկայացավ դատական նիստին: Հատուկ քննչական ծառայությունը ներկայացրել էր գրավոր դիմում, ցանկանալով տապալել այսօրվա դատական նիստը»,- շեշտեց Վարդևանյանը՝ հավելելով, որ կարելի էր այս ամեն ինչը չանել նման գնով, քանի որ բժշկի կարիքն այսօր այդ հիվանդանոցը շատ ունի,-«Իսկ եթե մի դեպք լիներ հիվանդանոցում և լինի Չարչյանի կարիքը, իսկ նա այնտեղ չլինի: Չարչյանն անգամ քարոզարշավին հաճախ չէր մասնակցում, քանի որ հիվանդանոցում անընդհատ կար իր կարիքը», - շեշտեց Վարդևանյանը:

Ըստ Վարդևանյանի՝ սա քաղաքական հետապնդում է, քանի որ ցուցաբերվում է տարբերակված մոտեցում։

«Երեկ մարդու իրավունքների պաշտպանը գրել էր, որ ՔՊ-ի պատգամավորի թեկնածուներից մեկը ստիպելով մարդկանց բերել էր ամսի 17-ի հանրահավաքին և նա ձերբակալված չէ», - շեշտեց փաստաբանը:

Աղբյուր` Փաստինֆո