Փաստ ինֆո

Բոլոր փորձերը՝ կռիվ գցել «Պատիվ ունեմ», «Հայաստան» դաշինքների, նաև այլ ազգային ուժերի միջև՝ ապարդյուն են։ «Պատիվ ունեմ» դաշինքի ներկայացուցիչ, ՀՀԿ խոսնակ Էդուարդ Շարմազանովը անդրադարձել է ՔՊ-ականների մեկնաբանություններին, որով նշում են թե Հանրապետական խորհրդի նախկին անդամ Կարեն Կարապետյանը վերջապես գտել է իր տեղը, այսօր սատարում է «Հայաստան» դաշինքին։ 

«Կարեն Կարապետյանը ինքն է որոշում որ քաղաքական բլոկում լինել։ Հիասթափեցնեմ ՔՊ-ական, կապիտուլյանտական շրջանակներին։ Բոլոր փորձերը՝ «Պատիվ ունեմ», «Հայաստան» դաշինքնհերի, նաև այլ ազգային ուժերի միջև՝ ապարդյուն են։ Գլխավոր նպատակը մեկն է՝ հունիսի 20-ին քվեարկությամբ Հայաստանում վերջ տալ ազգակործան, պատուհաս և ոչ ադեկվատ Նիկոլ Փաշինյանին»։

Շարմազանովը հիշեցրեց, որ Կարապետյանը իր քաղաքական ու քաղաքացիական դիրքորոշումը հայտնել է 2018 թվականի դեկտեմբերին՝ դիմում գրելով և դուրս գալով Հանրապետական կուսակցությունից։

«Ինքը դրանից հետո ազատ էր իր որոշման մեջ։ Ինչն է խնդիրը՝ հո՞ Նիկոլին չի միացել».
Շարմազանովը նշեց, որ շատ նորմալ հարաբերություններ ունեն, հակառակորդներ չենք, չնայած՝ գուցե քաղաքական մրցակիցներ են.

«Մենք շատ ուժերի հետ յոթ ամիս շարունակ եղել ենք պայքարի խրամատում և բոլոր փորձերը՝ կռիվ գցել, մուտիլովկա անել ազգային ուժերի միջև՝ չեն ստացվելու»։

Հացին՝ արդյոք ընտրություններից առաջ բանակցվություններ վարել են Կարեն Կարապետյանի հետ, կամ վերջինս ցանկություն հայտնե՞լ է սատարել դաշինքին, Շարմազանովը նշեց, որ իրենք բանակցություններ չեն վարել։

Անդրադառնալով ՔԿ հայտարարությանը, որով հակադարձում են ՀՀ երրորդ նախագահին, հայտնելով, որ 2021 թվականի հունիսի 16-ի դրությամբ գտնվելու վայրն անհայտ զինծառայողների և քաղաքացիական անձանց թվաքանակը 275 անձ է և ոչ 1064, Շարմազանովն ասաց.

«Այս իշխանությունների որևէ հերքմանը հավատո՞ւմ եք, որևէ փաստի հավատո՞ւմ եք։ Փոխվարչապետը մի թիվ է ասում, կապիտուլյանտը մի թիվ է ասում։ Կարելի՞ է հավատալ մի իշխանության, որը մեր հերոս տղաների մարմինները տոպրակների մեջ պոլին գցածա պահում»։

Աղբյուր` Փաստինֆո