Փաստ ինֆո

Նիկոլ Փաշինյանը գիտակցում է, որ հազիվ է կարողանալու հաղթահարել նվազագույն շեմը՝ խորհրդարան անցնելու համար, որի հետեւանքով նրա մոտ երկակի զգացողություն է՝ չի ուզում, որ թիմակիցները նախապես իմանան պարտության մասին, մյուս կողմից բարկացած է, որ երեք տարվա ընթացքում 80 տոկոս վստահության քվեն փոշիացրել են։ «Փաստնիֆո»-ի հետ զրույցում ասաց հոգեբան, «Հայաստան» դաշինքի անդամ Միհրդատ Մադաթյանը՝ անդրադառնալով քարոզարշավը մուրճով անցկացնելու Փաշինյանի մարտավարությանը։

Ինչպես արդեն տեղեկացրել ենք՝ արտահերթ ընտրությունների քարոզարշավի ժամանակ ՀՀ վարչապետի պաշտոնակատար Նիկոլ Փաշինյանի հիմնական այցեքարտը դարձել է մուրճը, որով շրջում է հանրապետության մարզերով ու որպես նախընտրական խոստում սպառնում ընդդիմախոսներին պառկեցնել ասֆալտին։

Հոգեբանը նշեց, որ 2018 թվականից ի վեր, Փաշինյանը անում է ագրեսիվ հայտարարություններ, որոնք որևէ մարդասիրության կամ կառուցողական էլեմենտ իրենց մեջ չեն պարունակում:

«Ասֆալտին փռել, պատերին ծեփել արտահայտությունները Փաշինյանը կիրառում է դեռ 2018 թվականից: Այդ իսկ պատճառով Փաշինյանը որոշեց իր հեղաշրջումը անվանել «թավշյա», մինչդեռ այդ հեղաշրջման մեջ իրականում որևէ թավիշ չկար, այն պարունակում էր դեստրուկտիվ և ագրեսիվ, էլեմենտ, իսկ դա չի կարող երկրիրը տանել դեպի կառուցում, զարգացում», - շեշտեց հոգեբանը:

Մադաթյանի դիտարկմամբ՝ ժողովրդի մի մասին իրականում սա է դուր գալիս, իրենք չեն ուզում բարեկեցիկ ապրել, կամ ապրել ապահով երկրում, իրենք ուզում են լինել ինչ-որ շոուների մասնակից:

«Բայց քանի որ Փաշինյանի ոգին տեղը չէ, նա անգամ այդ բռնելու պրոցեսը չի կարող նորմալ կազմակերպել եւ դարձել է իր ստեղծած միֆերի գերին»,- ասել է Մադաթյանն ու արձանագրել, որ Փաշինյանն ընտրություններում արդեն պարտվել է, նա մեծամասնություն չունի, ժողովրդի մեծամասնությունը գնում է ընդդիմադիր դաշինքների հետևից, ինչի մասին վկայում են նաև սոցհարցումների արդյունքները:
«Փաշինյանին սատարում է փոքրաթիվ զանգվածը, որը իր հետ ճանապարհորդում է երկրով մեկ, Կապանում եղավ կապանցի, Եղեգնաձորում՝ եղեգնաձորցի: Սակայն, այդ մարդը չի կարողանա տարբեր մարզերում ընտրել, նա ընտրելու է մի քաղաքում, իմ կարծիքով Փաշինյանը չի հաղթահարելու անգամ 7% շեմը, որպեսզի մտնի Ազգային Ժողով», - ասել է հոգեբանը:

Նրա խոսքով՝ Փաշինյանի կառավարման այս 3 տարիները ընթացքում ունեցել ենք մի շարք կորուստներ, այդ թվում կորցրել ենք հայրենիքի մի մասը: «Նման կատաստրոֆիկ հետևանքների հանգեցրած մարդը` չի կարող լինել Հայաստանի ղեկավար, որքան էլ նա փորձի համոզել ժողովրդին, որ նա մեղավոր չէ, այլ մեղավորը Ջոն Քենեդին է: Հայաստանում ապրում են ադեկվատ մարդիկ, որոնք հասկանում են, որ Փաշինյանն է մեղավոր»,- ասել է Մադաթյանը:

Հոգեբանը կարծում է, որ այժմ Փաշինյանի մոտ ոչ միայն սրվել է հոգեվիճակը, այլ նաեւ երկակի զգացողություն կա` մի կողմից նա չի ուզում ցույց տա, որ պարտված է, որպեսզի իրեն սատարող փոքրաթիվ մասսան խուճապի չմատնվի, մյուս կողմից ` բարկացած է, որ 80% լեգիտիմություն ունեցող ուժը, որը խաբեությամբ էր եկել իշխանությանը, ֆիասկո է ապրում:

«Փաշինյանը փորձում է գնալ մինչև վերջ: Սակայն, նա նույնպես տեսնում է սոցհարցումների արդյունքները, այդ իսկ պատճառով նա քարոզարշավն անցկացնում է մուրճով, բայց կարող էր նաև «կվալդայով» քարոզարշավ իրականացնել: Մենք նաև պետք է նկատենք, որ Փաշինյանի հայտարարությունները չեն համապատասխանում իր ընտրած կարգախոսին ` Ապագա կա: Վարչապետի ժամանակավոր պաշտոնակատարը ոչ մի խոսք չի ասում ապագայի մասին, նա միայն նորից խոսում է ասֆալտին փռելու մասին: Իսկ ինչպես է սահմանամերձ համայնքի բնակիչը պաշտպանվելու թուրքից, ինչպես են ապահովելու տնտեսական զարգացումը, այս մասին խոսք չկա»,- նկատեց Մադաթյանը:

Ըստ նրա՝ Փաշինյանի արբանյակները փորձում են իր վարկանիշը բարձրացնել` մասնավորապես Արամ Սարգսյանը հաշվում է Փաշինյանի ձայները, իսկ հոգևոր հայր` Լևոն Տեր-Պետրոսյանը ամեն կերպով փորձում է բարձրացնել վարչապետի ժ.պ-ի վարկանիշը:
Մադաթյանը նշեց, որ այս քարոզարշավը ունիկալ է, քանի որ կան քաղաքական ուժեր, որոնք կոնստրուկտիվ քարոզարշավ են անցկացնում:

«Այս ուժերը հաճախ չեն անդրադառնում Փաշինյանին: Իսկ Փաշինյանը Ռոբերտ Քոչարյանի նկարը ձեռքը գնում է քարոզարշավի, ինչ- որ տարօրինակ սեր ունի Փաշինյանը երկրորդ նախագահի հանդեպ: Ես պարզապես հույս ունեմ, որ 4 օրից այս իրավիճակը կհանգուցալուծվի և Նիկոլ Փաշինյանը իր ուսապարկերի հետ պատասխան կտա իրենց գործած բոլոր սխալների համար: Հուսով եմ, որ իրենք կհայտնվեն դատարանի առաջ հիմնավորված մեղադրանքներով»-, ընդգծել է Մադաթյանը:

Հեղինակ՝  Անի Մշեցյան

Աղբյուր` Փաստինֆո