Փաստ ինֆո

Կապիտուլյանտը շատ է ասում 60-63 տոկոս և նման ցնդաբանություններ, երևի մեր ժողովրդին լրիվ հիմարի տեղ է դրել. Այս մասին լրագրողների հետ զրույցում ասաց «Պատիվ ունեմ» դաշինքի ներկայացուցիչ, ՀՀ պաշտպանության նախկին փոխնախարար Արտակ Զաքարյանը՝ անդրադառնալով Փաշինյանի հայտարարություններին, թե ընտրություններին 60 տոկոսից ավելի ձայն են ստանալու։ 

«Եթե հանկարծ փորձի կեղծել ընտրությունները, դա կլինի «Իմ քայլը» կոչվող դավաճանական խմբակի վերջը, կամ վերջին դիվերսիան ՀՀ նկատմամբ»։

Զաքարյանը նշեց նաև, որ եթե ժողովուրդը հանդուրժի կեղծիքը, ապա ՀՀ-ն ունենալու է նոր պատերազմ, Հայաստանը խայտառակ միջանցք է ունենալու, Արցախի կարգավիճակը վերջնականապես թաղվելու է, հայաթափվելու է Արցախը, ինչը նշանակում է, որ հայաթափվելու է նաև ՀՀ արևելյան սահմանամերձ շրջանները, սպասվելու է սոցիալ-տնտեսական ահռելի կոլապս, կազմաքանդում, և ՀՀ անվտանգությունը մազից է կախված լինելու կամ մեծ տերությունների բարի կամքից։

Զաքարյանը՝ անդրադառնալով Փաշինյանի մեկ այլ հայտարարությանը, թե վերջին երկու տարիներին ավելի շատ սպառազինություն է ձեռք բերվել, քան նախորդ տարիներին, հրապարակեց համեմատական թվեր.

«Միայն 2008-2018 թվականին ՀՀ պետական բյուջեն ռազամական կարիքների համար հատկացրել է շուրջ 1 տրիլիոն 950 միլիարդ դրամ, գումարած 200 մլն դոլարի վարկային համաձայնագիրը։ Երկու տարիների ընթացքում կապիտուլյանտները ռազմական ընդհանուր կարիքներին տրամադրել է 603 մլրդ դրամ»։

Աղբյուր` Փաստինֆո