Փաստ ինֆո

Արցախյան հակամարտության հարցը փակված չէ: Մենք դեռևս ունենք հարց, որի լուծումը պետք է տանք՝ հիմնվելով հիմնական սկզբունքների վրա, այն է՝ ազգերի ինքնորոշման իրավունքը և ուժի չկիրառումը: Այս մասին «Երկիր մեդիա» ՀԸ եթերում ասել է «Պատիվ ունեմ» դաշինքի վարչապետի թեկնածու Արթուր Վանեցյանը:

«եթե որևէ մեկը կասի, որ վաղը կամ մյուս օրը կամ շատ կարճ ժամանակում կվերադարձնի Շուշին կամ Հադրութը, մնացած մեր կորսված տարածքները, պետք չէ այդ մարդուն լուրջ վերաբերել »,- նշեց Վանեցյանը՝ հավելելով, որ այդ հարցն իրենց օրակարգում է, բայց այդ հարցի լուծումը պահանջում է քրտնաջան, ամենօրյա աշխատանք:

Գործչի խոսքով՝ առաջին հերթին պետք է ազատվել կապիտուլյանտից, դրանից հետո պետք է սկսենք վերականգնել մեր փլուզված անվտանգային համակարգը, դիրքը՝ միջազգային ատյաններում և դաշնակցային հարաբերությունները՝ մեր հիմնական դաշնակից ՌԴ-ի հետ, ԵԱՀԿ Մինսկի համանախագահ երկրների հետ, Վրաստանի, Չինաստանի հետ:

«Այս չարիքը, որը պատուհասել է մեր երկրին, բոլոր ուղղություններով փչացրել է մեր հարաբերությունները: Դա փաստ է և որևէ մեկը չի կարող ժխտել»,- նշեց Վանեցյանը՝ համոզմունք հայտնելով առ այն, որ ճիշտ աշխատանքի դեպքում, նորմալ պետական և ազգային մտածելակերպ ունեցող կառավարություն ունենալու դեպքում կարող ենք ունենալ Արցախի հարցով ստանալ հայանպաստ որոշումներ, Արցախի հարցը փակված չէ:

Աղբյուր` Փաստինֆո