Փաստ ինֆո

«Այդ փաստաթուղթը իսկապես գոյություն ունի»,- այս մասին «Ազատություն» ՌԿ-ի հետ զրույցում հայտարարել է ՀՀ ԱԺ նախագահ Արարատ Միրզոյանը՝ պատասխանելով հարցին, թե ի վերջո ստորագրե՞լ են արդյոք այն թուղթը, որի մասին հայտնել էր Միքայել Մինասյանը։

Մինասյանը մայիսի 19-ին պնդել էր, որ ՀՀ-ի և Ադրբեջանի միջև նոր փաստաթուղթ է ձևակերպվել, ըստ որի դեմարկացիան հիմնված է լինելու երեք սկզբունքի հիման վրա՝ ԽՍՀՄ քարտեզների, աշխարհագրական նպատակահարմարության և այդ պահին եղած իրական պատկերի։ Սրա հետևանքով, ըստ նրա, Նիկոլ Փաշինյանը քննարկման առարկա է դարձրել Տավուշի մարզի 5 գյուղերը և Արարատի մարզի մեկ գյուղն Ադրբեջանին հանձնելը։ Միրզոյանը հաստատեց, որ նման փաստաթուղթ գոյություն ունի։

Անդրադառնալով մեղադրանքներին, թե Միրզոյանը Հայաստանում Թուրքիայի հատուկ գործակալ է, Միրզոյանը նշեց.

«ՀՀ ԱԱԾ-ն՝ ինձ, որպես Հայոց ցեղասպանության թանգարան ինստիտուտի գիտաշխատողի, ասպիրանտի, որպես պատմաբանի, որն այդ շրջանում ցեղասպանության տարբեր հիմնահարցերին վերաբերող հոդվածներ էր գրում նաև արտասահմանյան պարբերակներում, Հայոց ցեղասպանության 100-րդ տարելիցին ընդառաջ դիմել է ինձ՝ աջակցել նշված օրակարգով։ Դա գուցե անցումային շրջանում էր՝ գուցե Քոչարյանի վերջին շրջանում, որպես ուղղակի մասնագետ իմ պատրաստակամությունն եմ հայտնել օժանդակելու մեր ԱԱԾ-ին և սա է ամբողջը։ Ինչ վերաբերում է մնացած հատվածին՝ հիվանդագին ցնորք է և այդ մարդը պետք է սարսափելի մեղադանքի, ինչպես նաև իմ բարի համբավը վարքաբեկելու համար՝ պետք է պատասխան տա»։

Հիշեցնենք, որ Միքայել Մինասյանը 2020թ.-ին փաստաթուղթ էր հրապարակել՝ հայտարարելով, որ Միրզոյանը 2005 թվականից հանդիսանում է Թուրքիայի գործակալ և տարիներ շարունակ Թուրքիային վաճառել է Հայաստանի գաղտնիքները։

Աղբյուր` Փաստինֆո