Փաստ ինֆո

«Վստահ եմ, որ այս իշխանություններին հեռացնելու համար մենք դիմելու ենք բոլոր տրամաբանական գործողություններին. Այս մասին լրագրողների հետ հանդիպմանն ասաց «Պատիվ ունեմ» դաշինքի ներկայացուցիչ Արսեն Բաբայանը՝ անդրադառնալով խորհրդարանում «Հայաստան» դաշինքի հետ կոալիցիա ձևավորելու հնարավորությանը.

«Իրական եմ համարում նաև Հայաստան դաշինքի հետ կոալիցիայի ստեղծումը»։

Արսեն Բաբայանը՝ անդրադառնալով Էջմիածնի քաղաքապետի և Սուրեն Պապիկյանի ձայնագրությանը, որով իրենց վերաբերմունքն են ցույց տալիս գործող իշխանության պարագլխին։

«Նույնիսկ իրենց թիմում բոլորը հրաշալի գիտեն, որ այդ անձի մոտ կա հոգեկան անհավասարակշռություն։ Վստահեցնում եմ, բազմաթիվ այդպիսի իրար մեջ խոսակցություններ կան, որտեղ հենց իր թիմի ներկայացուցիչները հրաշալի գիտեն այդ անձի անհավասարակշիռ վիճակը և հասկանում են դրանով պայմանավորված հետագա վտանգավոր զարգացումները»։

Բաբայանը նշեց, որ գործող իշխանությունը հասկանում է, որ հարյուրավոր հանցագործությունների պետք է պատասխան տան, ուստի մինչև վերջ կարող են գնալ, սակայն իրենք թույլ չեն տա, որ կապիտուլյանտ իշխանությունը փորձի մեկ անգամ էլ հեղաշրջման միջոցով զավթի իշխանությունը։

Բաբայանը՝ անդրադառնալով մայրաքաղաքում և մարզերում նախընտրական քարոզարշավին, նշեց, որ մեկ անգամ էլ են համոզվել, որ այս իշխանություններին հեռացնելը առաջնահերթություն է, վերարտադրվելու հնարավորություն չունեն։

«Քարոզարշավի ընթացքում մեր ռեյթինգի աճը դուր չի գալիս այս իշխանություններին։ Դա էր պատճառը, որ վերջին օրերին հատկապես մեր դաշինքի ներկայացուցիչների նկատմամբ իրականացվում են քաղաքական ուժեղ ճնշումներ»։

Բաբայանը չբացառեց, որ ընտրական պարտությունից հետո իշխանությունը կարող է ասել, որ ընտրությունները կեղծել են ընդդիմադիրները, ուստի այդ մեթոդով պատրաստ են կրկին զավթել իշխանությունը։ Վերջինս հավելեց, որ բավականին բարձր է գնահատում իշխանություն ձևավորելու իրենց շանսերը։

Աղբյուր` Փաստինֆո