Փաստ ինֆո

Ռուսաստանը եղել է, կա և լինելու է Հայաստանի և հայ ժողովրդի հետ միասին և դժվարության, և ուրախության պահերին,- ասվում է Ռուսաստանի օրվա առթիվ ՀՀ-ում ՌԴ արտակարգ և լիազոր դեսպան Սերգեյ Կոպիրկինի ուղերձում։

Շնորհավորելով պետական տոնի առթիվ՝ ՌԴ դեսպանը խոսել է նաեւ Ռուսաստանի արտաքին քաղաքականության շեշտադրումների եւ հայ- ռուսական հարաբերությունների մասին։

«Իրապես անկախ արտաքին քաղաքականություն վարելով ՝ Ռուսաստանը, առանց չափազանցության, դարձել է նոր բազմակենտրոն միջազգային կարգի ձևավորման հիմնասյուներից մեկը, որը չի տա մեկ պետության կամ մի խումբ պետություններ գերիշխանությունը, յուրաքանչյուր ազգի և երկրների հնարավորություն է ապահովվել ազատորեն զարգանալ և մասնակցել միջազգային համագործակցությանը` իր շահերի և ինքնության համապատասխան»,- նշել է նա եւ ավելացրել, որ Ռուսաստանի արտաքին քաղաքականության կոորդինատների համակարգում մերձավոր գործընկերների, դաշնակիցների հետ հարաբերությունները, անկասկած, առաջնահերթություն են հանդիսանում:

«Եղբայրական Հայաստանի հետ կապերը առանձնահատուկ տեղ են զբաղեցնում, ինչը ամբողջապես դրսևորվում է հայ ժողովրդի համար ոչ դյուրին այս ժամանակահատվածում»,- ասել է դեսպանն ու ընդգծել. «Ընկերները փորձության մեջ են ճանաչվում», - ասում է ռուսական ասացվածքը:

Հայտնի է, թե ինչ ջանքեր և ռեսուրսներ են ուղղել և շարունակում է ուղղորդել Ռուսաստան Լեռնային Ղարաբաղում ռազմական գործողությունները նախ դադարեցնելու, այնուհետև ապահովելու հետպատերազմյան վերակառուցումն ու խաղաղության պահպանումը, էսկալացիայի չթույլատրումը:

Ռուսական խաղաղապահ զորակազմը և Լեռնային Ղարաբաղում հումանիտար արձագանքման միջպետական կենտրոնը, մեր սահմանապահները Սյունիքի մարզի հայ-ադրբեջանական սահմանի խնդրահարույց տարածքներում օգնում են հաղթահարել պատերազմի ողբերգական հետևանքները, այդ թվում ` ռազմագերիների և պահվող անձանց խնդիրները, ինչպես նաև հայ քաղաքացիների սրտերում`խաղաղության, հանգստության և զարգացման հույս են ներշնչում:

Ռուսաստանը եղել է, կա և լինելու է Հայաստանի և հայ ժողովրդի հետ միասին և դժվարության, և ուրախության պահերին: Շնորհավորում եմ Ռուսաստանի օրը, սիրելի բարեկամներ:

Աղբյուր` Փաստինֆո