Փաստ ինֆո

«Քաղաքացիական պայմանագիր» կուսակցությունը քարոզարշավն այսօր անցկացնում է  Գեղարքունիքի մարզի Սևան քաղաքում։  Կուսակցության ցուցակի առաջին համար Նիկոլ Փաշինյանը սևանցիներին ներկայացրեց, թե որն է եղել վերջին երեք տարվա իշխանության ամենամեծ պրոբլեմը։ Անդրադարձավ ոչ բռնի, բայց պողպատյա, ժողովրդական հեղափոխության իրականացման անհրաժեշտությանը, որով նախատեսվում է հաստատել իրավունքի և օրենքի դիկտատուրա:

Նիկոլ Փաշինյանը հայտարարեց, թե քաղաքական էլիտան փորձում է պատերազմում անհաջողությունն օգտագործել՝ ժողովրդին վերաստրկացնելու համար.

«Ժողովուրդը տեսնում է, որ պատերազմում մեր անհաջողությունը հետևանք էր երկար տարիներ ժողովրդին ու երկիրը կեղեքելու: Դուք պետք է գնահատական տաք Հայաստանը կեղեքած էլտային», - ասաց Փաշինյանը:

Փաշինյանը հայտարարեց, թե հոգևոր էլիտայի ներկայացուցիչներն ամեն ինչ արել են, որ Հայաստանի կառավարությանը պարտադրեն սեփական կամքը։ Նա հայտարարեց, թե վերջին տարիներին հոգևոր էլիտան ամեն բան արել է Հայաստանի իշխանությանը սեփական կամքը պարտադրելու և հեղափոխության ձախողմանը հասնելու համար.

«Մեզ այսօր ասում են, թե փորձում ենք վարկաբեկել Հայ առաքելական եկեղեցին, ավանդական արժեքները։ Ո՛չ, այդ արժեքները վարկաբեկում են կոռումպացված հոգևորականները։ Այսօր Հայ առաքելակյան եկեղեցում կան բազմաթիվ ազնիվ հոգևորականներ, բայց խայտառակությունը հասել է այնտեղ, որ Հայ առաքելական եկեղեցու Արարատյան թեմի առաջնորդի, հայրապետական փոխանորդի ձայնագրություն է հրապարակվում, որը ծայրից ծայր դեմ է քրիստոնեական արժեքներին և Հայ առաքելական եկեղեցու էությանը։ Ով է ավելի շատ վարկաբեկում՝ կոռուպցիայի մեջ ներգրավված հոգևորականնե՞րը, թե՞ մարդիկ, որոնք քննադատությամբ ուզում են՝ մեր եկեղեցին լինի մեր հոգիների, մտքերի, սրտերի առաջնորդ: Ես այդ հոգևորականների քստմնելի հայտարարություններին չեմ պատասխանելու»,-ասաց Փաշինյանը և կարդաց Աստվածաշնչի 55-րդ Սաղմոսը։

Աղբյուր` Փաստինֆո