Փաստ ինֆո

Կան քաղաքական ուժեր, որոնք հատուկ շրջում են մարդկանց հետ անհատական զրույցներում փոխանցում են երեք սուտ ԼՀԿ-ի մասին: Այս մասին քարոզարշավի ժամանակ հայտարարել է «Լուսավոր Հայաստան» խմբակցության պատգամավոր Անի Սամսոնյանը.

«Նրանք ասում են՝ ԼՀԿ-ին ձայն չտաք, որովհետև նա ընտրական շեմը չի հաղթահարելու, ասում են ԼՀԿ-ին ձայն չտաք, որովհետև նա աջակցելու է ներկա իշխանության վերարտադրմանը: Եվ սուտ համար երեք՝ այն շրջանակներում, որտեղ դեմ են Ռոբերտ Քոչարյանին, ասում են, որ մենք նպաստելու է նախկինների վերադարձին»,-ասաց Սամսոնյանը և ավելացրեց, որ դրական տրամադրվածություն կա ԼՀԿ-ի նկատմամբ.

«Հակառակ դեպքում նրանք չէին գնա թաղեթաղ՝ փորձելով սեւացնել «Լուսավոր Հայաստանին»,-ասաց Սամսոնյանը և հայտնեց, որ որ որոշ քաղաքական ուժերի ներկայացուցիչներ կամ աջակիցներ դիտավորալ վնասում են ԼՀԿ-ի պաստառները:

Սամսոնյանը նաև նշեց, որ կան ռիսկեր, որ կարող է լինել ընտրությունների երկրորդ փուլ, ինչը կարող է էլ ավելի մեծ ցնցումների տանել:

«Դրա համար մենք մարդկանց ասում ենք՝ մի տվեք ձայն նախկիններին ու ներկաներին, որոնք կարող են ցնցումներ առաջացնել և, որոնք կարող են աթոռակռվի համար երկիրը տանել երկրորդ փուլի պրոցեսների»,-ասաց Սամսոնյանը:

Աղբյուր` Փաստինֆո