Փաստ ինֆո

Ստեփանավանցի բազմազավակ հայրը ՀՀ երկրորդ նախագահ, «Հայաստան» դաշինքի թեկնածու Ռոբերտ Քոչարյանին խնդրեց իր երեխաների քավորը լինել, ինչին ի պատասխան Ռոբերտ Քոչարյանն արձագանքել է՝ նշելով. «Դա խոսալու վրա է»։ 

Այսպես, քաղաքացին նախ բարձրաձայնեց օրակարգային հարցեր՝ նշելով, որ կան երեխաներ, որոնք հիվանդություններ են ձեռք բերել և անհրաժեշտ է դեղորայք, որը պետպատվերով չեն կարողանում ձեռք բերել և խնդրեց վերանայել պետպատվերով տրվող դեղորայքի ցանկը վերանայել։ Քաղաքացին բարձրաձայնեց նաև զինվորականների բնակության պայմանների հարցը, մանսավորապես, նշեց, որ Հայոց բանակի սպաները 20 տարի երկարատև ծառայելուց հեռո կանգնել են սովի խնդրի առջև, իրենց առաջարկում են հիպոթեքով տուն գնել, սակայն չեն կարողանում, ուստի քաղաքացին խնդրեց, որ ինչպես նախկինում, այնպես էլ հետագայում՝ ծառայության դիմաց սպաներին պետության կողմից արժանապատիվ տուն տրամադրվի։

«Երրորդ խնդրանքս. Պարոն Քոչարյան, ունեմ չորս երեխա և խնդրում եմ Ձեզ՝ Դուք լինել իմ երեխաների քավորը»,- նշեց ստեփանավանցին՝ դիմելով Ռոբերտ Քոչարյանին։

Անդրադառնալով քաղաքացու բարձրաձայնած հարցերին՝ Ռոբերտ Քոչարյանը նշեց, որ երեխաների համար ամբողջ դեղորայքը պետք է պետպատվերով լինի և իրեն զարմացնում է, որ նման հարց է առաջացել, իսկ եթե կան նման խնդիրներ, ապա դա առաջնային լուծում կստանա։ Ինչ վերաբերում է սպայական կազմի վերաբերյալ հարցին, Ռոբերտ Քոչարյանը նշեց, որ, երբ ինքը նախագահ է դարձել՝ սպայի աշխատավարձը եղել է 65.000 դրամ, իսկ իր պաշտոնավարման տարիներին սպայի աշխատավարձը եղել է 400.000 դրամ։ Բացի դա՝ շինարարական աշխատանքներ էին իրականացվում և տուն էր տրամադրվում նաև սպաներին։

«Չեմ կարծում, որ սպան ի վիճակի է հիպոթեքով տան հարցը կարգավորել, դա պետության պարտականությունն է։ Եթե մարդիկ ծառայել են պետությանը, ծառայությունից դուրս գնալուց պետք է բնակարան ստանա։ Սա կդարձվի օրենքի պահանջ, եթե այդ խնդիրը հիմա կա»,- նշեց Ռոբերտ Քոչարյանը։

Ինչ վերաբերում է երեխաների քավորը լինելու վերաբերյալ քաղաքացու խնդրանքին. Ռոբերտ Քոչարյանը պատասխանեց. «Դա խոսալու վրա է»։

Աղբյուր` Փաստինֆո