Փաստ ինֆո

Ռուբեն Խլղաթյանը գտնվում է Վաղարշապատի ՁՊՎ-ում, ունի մի շարք հիվանդություններ, որոնց մասին տեղեկացրել են վարույթն իրականացնող մարմնին։ Պաշտպան Արսեն Սարդարյանը հանդիպում է ունեցել Խլղաթյանի հետ։ Այս մասին Արմավիրի նախկին քաղաքապետ Ռուբեն Խլղաթյանի գործով հրատապ մամուլի ասուլիսի ժամանակ հայտնեց փաստաբան Գայանե Պապոյանը։

Քրեական գործը հարուցվել է 154.2-րդ հոդվածի երկրորդ մասի կասկածանքով։ Վարույթն իրականացնող մարմինը ակնհայտորերն խախտել է քննչական ենթակայությունը՝ հայտարարեց Պապոյանը։

«Քրեական դատավարության օրենսգրքի 190-րդ հոդված համաձայն՝ նշված հոդվածով քրեական գործերի քննությունը պետք է իրականացնեն բացառապես ՀՔԾ քննիչները։ Սա քրեական դատավորության օրենսգրքի իմպերատիվ պահանջն է, չնայած գործը քննվել է Քննչական կոմիտեում»,- ասաց Պապոյանը։

Փաստաբանի կարծիքով՝ վարույթ իրականացնող մարմինը տիրապետում է 190-րդ հոդվածին.
«Կարծում եմ, խախտումը կարող է կապված լինել այն հանգամանքի հետ, որ գուցե այն մարմինը, որն իրավասու էր քննելու այդ հոդվածով գործը, գուցե չի համաձայնել ակնհայտ ապօրինի քրեական գործի քննումը, գուցե չի համաձայնվել և վարույթն իրականացնող մարմինը՝ ուղղորդված լինելով համապատասխան վայրից, որոշել են այլ մարմնի վրա բարդել, փորձելով իրականացնել այլ մարմնի գործունեությունը։ Նշված համագամանքի հետ կապված բողոքում հարցեր ենք բարձրաձայնել»։

Փաստաբանը պնդեց՝ լրիվ ապօրինի քրեական գործի հարուցում է, ապօրինի ձերբակալում։ Պապոյանը նշեց, որ կապ է հաստատել Արմավիրի մարզի առաջին ատյանի ընդհանուր իրավասության դատարան, պաշտպանների բողոքը մակագրվել է դատավոր Արթուր Ադամյանին, սակայն այս պահի դրությամբ նիստի ժամի հետ կապված որևէ տեղեկություն չունեն։

Աղբյուր` Փաստինֆո