Փաստ ինֆո

Անկախ Նիկոլի մոլագարությունից, ինքն ընդամենը պայքարում է իշխանության համար, և դրա համար կիրառում է իր համար ամենաշահեկան մեթոդը, այն է՝ պոպուլիզմը, և եթե դու իրեն փորձես հաղթել, պետք է այդ դաշտ չմտնես, այլ դաշտում պետք է աշխատես։ Այս մասին «Փաստինֆո»-ի եթերում ասել է վերլուծաբան Արգիշտի Կիվիրյանը։

Խոսելով արտաքին ուժերի ազդեցությունից, բանախոսը նշել է՝ ակնհայտ է որ իր կերպարով Նիկոլը չի հանդիսանում Կրեմլի սրտի թեկնածուն, որովհետև նա իր հատկանիշներով դրա տակ չի մտնում, սակայն դրա հետ մեկտեղ ՌԴ-ն ունի մոտեցում, եթե թեկնածուն գլոբալ առումով կատարում է իր կամքը, ապա Մոսկվան փորձում է չխանգարել այդ թեկնածուին։

«Ինձ թվում է՝ Նիկոլի պարագայում ևս գործում է այս սխեման։ Նիկոլն ամեն գնով փորձելու է պահել իշխանությունը, քարոզարշավի ընթացքում հռետորաբանության դոզան օրեցօր ավելանալու է»,- նշել է բանախոսն ու ավելացրել, որ ամենակարևորն այս ընտրությունները չվերածվեն քաղաքացիական ծայրահեղ բախումների, ինչի հավանականությունը մեծ է։

«Առանց այդ էլ մենք ունենք արտաքին պարտություն, և ներքին բախումները կարող են ընդհանրապես խարխլել Հայոց պետականությունը»,- նշել է Արգիշտի Կիվիրյանը։
Մանրամասները՝ տեսանյութում։

Աղբյուր` Փաստինֆո