Փաստ ինֆո

Դավադիր կապիտուլյանտը հերթական զառանցանք է արտաբերել Սերժ Սարգսյանի երեկ հրապարակված ձայնագրության մասին, որոնք որևէ քննադատությանը չեն դիմանում: Այս մասին ֆեյսբուքյան ուղիղ եթերի ընթացքում ասաց ՀՀԿ փոխնախագահ Արմեն Աշոտյանը:

Հիշեցնենք, որ երեկ Փաշինյանը Հայաստանի երրորդ նախագահին ուղղված մեղադրանքների մասով ապացույց չհրապարակեց, փոխարենը Սերժ Սարգսյանը հրապարակեց ձայնագրություն, ըստ որի՝  2018 թվականի մայիսի 12-ին, երբ Փաշինյանը Սոչիում էր, հանդիպել է Վլադիմիր Պուտինին, Նազարբաևին և Լուկաշենկոյին, որոնք հայտնել են, թե  Փաշինյանը մեծ ժողովրդական վստահություն ունի և պատմական շանս է, որպեսզի Ղարաբաղի հարցը լուծի։ Փաշինյանը հայտնում է, որ խոսքը գնում է նույն «Լավրովի պլանի մասին» և բարձրացնում նաև ԼՂ կարգավիճակի մասին։

Աշոտյանը նկատեց, որ ձայնագրությունից պարզ է, ամենահայանպաստ լուծումը, որը հնարավոր էր ունենալ բանակցությունները ընթացքում` Արցախը երբեք չէր լինելու Ադրբեջանի կազմում:

«Նիկոլ Փաշինյանը տապալեց բանակցային գործընթացը, այդ ձայնագրությունը վկայում է դրա մասին: Ինչպես նաև, Փաշինյանը ոչ ադեկվատ կերպով էր ներկայացնում Հայաստանը ու Արցախը աշխարհում և դարձավ Հայաստանը անլրջացնելու, Արցախի գլխին ամպեր կախելու հիմնական պատճառը: Այս ամեն ինչի արդյունքում, նա պատերազմ բերեց մեր գլխին: Այս ամբողջ պատմության արդյունքում կա 5000 զոհ Եռաբլուրում, 10.000 քառակուսի կորուսյալ հայրենիք, Ադրբեջանի բանակը կանգնած է Հայաստանի Հանրապետության տարածքում և այդ ամեն ինչի համատեքստում նա դեռ սարկազմով խոսում է ձայնագրության մասին: Արդյոք դա իրեն վնաս էր, թե ոչ»,-շեշտեց Աշոտյանը:

Ըստ Աշոտյանի՝ փառք պետք է տալ այն բոլոր լուծումներին, որոնք կային բոլոր նախկին նախագահների և Սերժ Սարգսյանի օրոք, որովհետև դա կլինիր հոյակապ լուծում։

«Ռուսաստանի ԱԳՆ պաշտոնական կայքում կարելի է տեսնել, թե ինչի մասին էր բանակցային գործընթացը: Տարածքների վերադարձման դիմաց Արցախին տրվելու էր միջանկյալ կարգավիճակ, իր էլեմենտներով»,-ասաց նա՝ նշելով, որ իրենց ուժը նախատեսում է հրավիրել մամլո ասուլիս և ամեն ինչ պարզաբանել։ 

Աշոտյանը նաև հավելեց, որ իրավիճակը սրվել է այն պատճառով, որ Փաշինյանը մեղադրել է Սերժ Սարգսյանին խաղատներում գումար պարտվելու մեջ, սակայն, այդ ամենի ապացույցը չի ներկայացրել։

«Նիկոլ Փաշինյանը վաղը հերձվելու է, եթե ունի քաջություն, թող գա իմ հետ բանավեճի արցախյան խնդրի շուրջ: Երբ մենք գանք իշխանության, կստեղծվեն քննչական հանձնաժողովներ և պատերազմի մասին բոլոր փաստերը ի հայտ կգան, որ Փաշինյանն Ալևի հետ փողային գործարքի մեջ է մտել»,-ասաց ՀՀԿ փոխնախագահը:

Աղբյուր` Փաստինֆո