Փաստ ինֆո

Ճանապարհների ապաշրջափակումը և գերիների խնդիրը փոխկապակցված են։ Այլևս որևէ մեկը դա չի թաքցնում, որ կտաք ճանապարհներ՝ գերիները հետ կվերադառնան։ Այս մասին «Փաստինֆո»-ի հետ զրույցում հայտնեց «Հանրապետություն» կուսակցության նախագահ Արամ Սարգսյանը։

Ըստ նրա՝ անվտանգային և տարածքային խնդիրների ամբողջական լուծումը, որին կողմ է ամբողջ աշխարհը, պետք է քննարկվի և միասնական լուծում տրվի ՄԱԿ-ի Անվտանգության Խորհրդում, որտեղ էլ պետք է ճշտվեն այն քարտեզները, որոնց հիման վրա պետք է հստակեցվեն սահմանները։ Սարգսյանը հավելեց, որ մինչև դա պետք է ադրբեջանական զորքերը հետ քաշվեն։

«Տպավորություն կա, որ Ռուսաստանի գերխնդիրը ճանապարհների բացելն է, ոչ թե խաղաղություն հաստատելը։ Տպավորություն կա, որ ՌԴ-ն խոստում է տվել Թուրքիային, որ Նախիջևանից պիտի ադրբեջանցիները կարողանան Հայաստանի տարածքով ինչ- որ միջանցքով գնալ Ադրբեջան ։

Խնդրի մերժումն էր, որ Նիկոլ Փաշինյանը հայտարարեց, որ որևէ միջանցք չկա փաստաթղթում, ինչը ճիշտ է և չի կարող լինել։ Դրանից հետո տեղի ունեցավ մեր սահմանների խախտումը տարբեր ուղղություններով, առաջացավ ավելի կոշտ վերաբերմունք գերիների նկատմամբ»։

Արամ Սարգսյանը նշեց, որ մինչև շատերը կխոսեն դավաճանի, բարեկամի, ճիշտ առաջարկի մասին, պետք է աչքի տակ ունենան Սիրիան, երբ Բաշար Ալ Ասադը որոշեց գնալ միայն Ռուսաստանի հետ։

«Հանրապետություն» կուսակցության նախագահի խոսքերով՝ մեզ չեն թողնում մեր շահերն առաջ տանել, մեզ պարտադրում են Թուրքիան, Ադրբեջանը, ՌԴ-ն և չեն թողնում բանակցել, չնայած ՀՀ-ն բանակցում է, փորձում ամեն ինչ անել, որ քիչ կորուստ ունենա։

Մաշտոցի պուրակից Հանրապետություն կուսակցության անդամները՝ Արամ Սարգսյանի գլխավորությամբ շարժվեցին դեպի Արմավիրի մարզ` Էջմիածին և Արմավիր քաղաքներ։

Մանրամասները՝ տեսանյութում

Աղբյուր` Փաստինֆո